ئاسایی کردنه‌وه‌ی په‌یوه‌ندی نێوان تورکیا و ئیسڕائیل بۆ دژایه‌تی ئێرانە

نۆرای مه‌رت، ئاسایی کردنه‌وه‌ی په‌یوه‌ندیی نێوان تورکیا و ئیسڕائیلی به‌ هاوپه‌یمانی له‌ دژی ئێران وه‌سف کرد و جه‌ختی کرد که‌ ئه‌م کاره‌ لەسەر ئاشتی ناوچه‌که‌ کاریگەریی ئه‌رێنی نییه‌.

ئاژانسی مێهر، گرووپی نێونه‌ته‌وه‌یی - پیمان یه‌زدانی: له‌ ڕۆژانی ڕابردوودا ئێمه‌ دیمان که‌ چۆن تورکیا پاشه‌کشه‌ی کرد و له‌گه‌ڵ ڕژیمی زایۆنی یه‌کیان گرته‌وه‌.

له‌مباره‌وه‌ به‌ ده‌یان ڕا و بۆچوون له‌ لایه‌ن شاره‌زاکانی ناوچه‌که‌وه‌ ڕاگه‌یه‌ندراوه‌. دوکتور نۆرای مه‌رت، مامۆستای زانسته‌ سیاسییه‌کانی زانکۆی ئەستەنبۆڵ تورکیا سه‌باره‌ت به‌م ڕێککه‌وتنه‌ به‌ ئاژانسی مێهری وت: وا دیاره‌ که‌ تورکیا له‌ سیاسه‌تی خۆی به‌ نیسبه‌ت ئیسڕائیل گۆڕان کاری دروست کردووه‌، به‌ڵام گه‌ر لامان وابێت که‌ ئه‌مانه‌ هێمایه‌کن بۆ گۆڕانکاری له‌ بۆچوونه‌کانی پارتی داد و گه‌شه‌، ئه‌وه‌ هه‌ڵه‌ ده‌که‌ین.

نۆرای مه‌رت به‌ ئاماژه‌ به‌م بابه‌ته‌ که‌ بۆچی ڕێککه‌وتنی ئه‌م دوایه‌ نابێته‌ هۆی گۆڕان کاری هێمنانه‌ له‌ بۆچوونه‌ سیاسییه‌کانی تورکیا، وتی: یه‌که‌م؛ با باش بزانین که‌ ئه‌م ڕێککه‌وتنه‌ له‌ نێوان دو لایه‌نی میانه‌ڕۆ و ئاشتی خواز و دیموکڕاتیک نییه‌ و هه‌ر به‌م هۆیه‌ش هیچکام له‌م دوو لایه‌نه‌ ئه‌وی دیکه‌ هان نادات تاکوو سیاسیه‌تێکی میانه‌ڕۆ په‌یڕه‌و بکات.

مامۆستای زانکۆی ئەستەنبۆڵ سه‌باره‌ت به‌ داهاتووی ڕێککه‌وتنی نێوان ئه‌نقه‌ره‌ و تلاڤیڤ وتی: ڕێککه‌وتنی نێوان ئیسڕائیل و تورکیا له‌سه‌ر بنه‌مای زۆر ناڕوون ئه‌نجام بووه‌ و له‌م ڕێککه‌وتنه‌ به‌ ڕێککه‌وتنی دژه‌ به‌ ئێران ناو ده‌برێت. تورکیا و عه‌ره‌بستان و ئیسڕائیل دوای ڕێککه‌وتنی ناڤۆکی ئه‌مریکا له‌گه‌ڵ ئێران چه‌ندین خاڵی سیاسی هاوبه‌شیان بۆ درووست بووه‌ و هه‌ر بۆیه‌ ئێستا به‌ "دوژمنه‌ ئازیزه‌کان" ناویان لێده‌برێت.

ئه‌و سه‌باره‌ت به‌ کاریگه‌ری ئه‌رێنی ئه‌م ڕێککه‌وتنه‌ له‌ سه‌ر پڕۆسه‌ی ئاشتی له‌ ناوچه‌که‌ وتی: ئه‌وه‌ی ئاشکرایه‌ تورکیا و عه‌ره‌بستان و وڵاتانی که‌نداوی فارس باوشیان بۆ "دوژمنی ئازیز" کردووه‌ته‌وه‌ و ئه‌م ڕێککه‌وتنه‌ کاریگه‌ری باشی له‌ سه‌ر پڕۆسه‌ی ئاشتی ناوچه‌که‌ نابێت و بگره‌ کاریگه‌ری خراپیشی له‌سه‌ری ببێت و ئه‌وه‌نده‌ی دیکه‌ شه‌ڕ له‌ ناوچه‌که‌دا تۆخ بکاته‌وه‌.

ئه‌م مامۆستای زانکۆی ئەستەنبۆڵ سه‌باره‌ت به‌ ڕێککه‌وتنی ئه‌نقه‌ره‌ و مسکۆ وتی: له‌باره‌ی نزیک بوونه‌وه‌ی تورکیا و ڕووسیا له‌ یه‌کتر ده‌بێت بڵێم که‌ هێشتا هیچ ورده‌کارییه‌ک له‌م ڕێککه‌وتنه‌ ئاشكرا نه‌کراوه‌. هه‌ر دوو وڵات سه‌باره‌ت به‌ چه‌ند بابه‌تی وه‌ک سووریا ناکۆکیان هه‌یه‌. ڕووسیا هه‌ر له‌ سه‌ره‌تاوه‌ پشتیوانی له‌ به‌شار ئه‌سه‌د کردووه‌، به‌ڵام تورکیا ئه‌وه‌ی له‌ ده‌ستی هات بۆ ڕووخاندنی ده‌وڵه‌ته‌که‌ی سووریا کردوویه‌تی و ئه‌وه‌ی ڕوونه‌ تاکوو ئێستا تورکیا هیچ گۆڕان کارییه‌کی له‌ سیاسه‌ته‌کانی خۆی سه‌باره‌ت به‌ سووریا دروست نه‌کردووه‌. 

ئه‌و له‌ درێژه‌دا زیادی کرد: هه‌روه‌ها تورکیا به‌رده‌وام پشتیوانی له‌ گرووپه‌ تیرۆریستییه‌ ئیسلامییه‌کان کردووه‌ و ڕووسیا ئه‌مانه‌ به‌ دژی خۆی ده‌زانێت چون له‌ نێو خاکی ڕووسیا کاری تیرۆریستی ئه‌نجام ده‌ده‌ن و زۆربه‌ی شارۆمه‌نده‌ موسوڵمانه‌کانی ڕووسیا بۆ کاری تیرۆریستی چوونه‌ته‌ سووریا. 

مه‌رت له‌ کۆتاییدا وتی: بۆ تورکیا زۆر ئه‌سته‌مه‌ کۆتایی به‌ پشتیوانی کردنی خۆی له‌ گرووپه‌ تیرۆریستییه‌کانی نێو خاکی ڕووسیا و سووریا، وه‌ک چیچانییه‌کان بهێنێت، ئه‌مه‌ش وا ده‌کات که‌ تورکیا نه‌توانێت سیاسه‌تی خۆی به‌ نیسبه‌ت سووریاوه‌ بگۆڕێت.

News Code 4272

نیشانەکان

بۆچوونی ئێوە

You are replying to: .
  • 7 + 3 =