داعش ۱۲ له‌سه‌دی ناوچه‌کانی له‌ عێراق و سووریا له‌ده‌سته‌وه‌ بووه‌

گرووپی تیرۆریستی داعش له‌ یه‌ک ساڵی ڕابردوودا دوای زنجیره‌یه‌ک شکستی جۆراجۆر له‌ عێراق و سووریا زۆربه‌ی ناوچه‌کانی ژێر ده‌سه‌ڵاتی خۆیی له‌ ده‌ست داوه‌ و ڕووبه‌ڕووی قه‌یرانی ئابووری بووه‌ته‌وه‌.

به‌ ڕاپۆرتی ئاژانسی مێهر له‌ ماڵپه‌ڕی فه‌ڕه‌نسا، ناوه‌ندێکی لێكۆڵینه‌وه‌ له‌ ڕاپۆرتێکدا که‌ له‌ مانگی ژانویه‌ بڵاو کرایه‌وه‌ ڕایگه‌یاند که‌ داعش له‌ دوو وڵاتی عێراق و سووریا له‌ سه‌دا ۱۲ی خاکی داگیرکراوی له‌ ده‌ست داوه‌.

له‌ ساڵی ۲۰۱۵ زایینیدا خاکی ژێر کۆنترۆڵی داعش به‌ ۷۸ هه‌زار کیلۆمه‌تر چوارگۆشه‌ گه‌یشت و ئه‌مه‌ له‌ حاڵێکدایه‌ که‌ ئه‌م گرووپه‌ تیرۆریستییه‌ له‌م ساڵدا ۱۲ هه‌زار و ۸۰۰ کیلۆمه‌تر خاکی له‌ ده‌ست داوه‌ که‌ ده‌کاته‌ ۱۲ له‌ سه‌دی ئه‌و ناوچانه‌ی که‌ داعش داگیری کردووه‌.

له‌م ڕاپۆرته‌دا هاتووه‌ که‌ داعش له‌ هاوینی ساڵی ۲۰۱۴ی زاینی خه‌لافه‌تی خۆی له‌ سووریا و عێراق ڕاگه‌یاند و ئێسته‌ ئه‌م بیرۆکه‌ ڕوو له‌ناوچوون ده‌ڕوات چون خاکی ژێر کۆنترۆڵی که‌م ده‌بێته‌وه‌.

داعش له‌ سووریا شاری پاڵمیرای له‌ ده‌ست چووه‌ و شاری مه‌نبه‌جیش له‌ لایه‌ن هێزه‌ کوردییه‌کان به‌ ته‌واوی گه‌ماڕۆ دراوه‌. ئه‌م شاره‌ له‌ ڕووی ستراتیژه‌وه‌ گرنگی زۆری بۆ داعش هه‌بووه‌ و ڕێگه‌ی داعش بۆ تورکیا داده‌خات. هه‌روه‌ها کورده‌کانی سووریا توانیان شاری ته‌ل ابیز له‌ پارێزگای ڕه‌قه‌ ئازاد بکه‌ن که‌ شارێکی کوردییه‌ و به‌م شکسته‌ش ڕه‌قه‌ی پایته‌ختی داعش ئه‌وه‌نده‌ی دیکه‌ گه‌ماڕۆ ده‌درێت.

داعش له‌ لایه‌که‌وه‌ له‌گه‌ڵ سوپای سووریا و له‌ لایه‌کی دیکه‌وه‌ له‌گه‌ڵ کورده‌کان و له‌ عێراقیش له‌گه‌ڵ سوپای ئه‌م وڵاته‌ شه‌ڕ ده‌کات، هه‌ر بۆیه‌ توانی ڕوو له‌ کز بوونه‌. داعش له‌ عێراق له‌م دواییه‌دا شاری فه‌لوجه‌ی له‌ ده‌ست دا که‌ یه‌کێکه‌ له‌ گرنگ ترینی ئه‌و شارانه‌ی داعش تێیدا حوکمی ڕه‌های ده‌کرد، هه‌روه‌ها ساڵی ڕابردوو شاری شه‌نگالی له‌ کیس چوو، ئه‌ویش دوای ئه‌وه‌ی که‌ هێزه‌کانی پێشمه‌رگه‌ گورزێکی باشیان له‌ داعش دا و جارێکی دیکه‌ ئه‌م شاره‌ ئێزدی نشینه‌یان ئازاد کرد.

هه‌روه‌ها له‌ ڕاپۆرته‌که‌دا هاتووه‌ ئه‌گه‌رچی داعش زۆربه‌ی ناوچه‌کانی ژێر ده‌سه‌ڵاتی خۆی له‌ ده‌ست ده‌دات، به‌ڵام هێرشه‌کانی له‌ سووریا و عێراق و ئه‌ورووپا ڕووی له‌ زیاد بوون کردووه‌.

ئه‌م ناوه‌ندی لێکۆڵینه‌وه‌ له‌ کۆتاییدا ئاماژه‌ ده‌کات: داهاتی مانگانه‌ی داعش له‌ ۸۰ ملیۆن دۆلار له‌ مارسی ۲۰۱۵ی زاینی بۆ ۵۶ ملیۆن دۆلار له‌ مارسی ۲۰۱۶ی زاینی که‌م بووه‌توه‌، ئه‌مه‌ش بووه‌ته‌ هۆی ئه‌وه‌ی که‌ زۆربه‌ی ئه‌ندامانی ئه‌م گرووپه‌ تیرۆریستییه‌ لێی جیا ببنه‌وه‌.

شایانی باسه‌ک له‌ هه‌فه‌ته‌ی ڕابردوو داعش ڤیدیۆیه‌کی له‌ چۆنیه‌تی سیسته‌می به‌ڕێوه‌به‌ری خۆی بڵاو کرده‌وه‌ که‌ نیشانی ده‌دات که‌ چۆن به‌ ئه‌نجومه‌ن و لێژنه‌کان ۳۵ وه‌لایه‌تی جۆراجۆر به‌ڕێوه‌ ده‌بات و له‌م ۳۵ وه‌لایه‌ته‌، ۱۹یان له‌ عێراق و سووریا دان.

News Code 4247

نیشانەکان

بۆچوونی ئێوە

You are replying to: .
  • 5 + 9 =