تورکی فه‌یسه‌ڵ هه‌واڵی مه‌رگی مه‌سعوود ڕه‌جه‌وی دا

تورکی فه‌یسه‌ڵ، سه‌رۆکی پێشووی ناوه‌ندی هه‌واڵگری عه‌ره‌بستان که‌ بۆ یه‌که‌مین جار له‌ کۆبوونه‌وه‌ی ساڵانه‌ی مونافقه‌کان( موجاهیدینی خه‌لق) له‌ پاریس به‌شداری کردبوو، ۲ جار بۆ ناو هێنان له‌ مه‌سعوود ڕه‌جه‌وی له‌ وشه‌ی خوالێخۆش بوو که‌ڵکی برد.

به‌ ڕاپۆرتی ئاژانسی مێهر، تورکی فه‌یسه‌ڵ،  سه‌رۆکی پێشووی ناوه‌ندی هه‌واڵگری عه‌ره‌بستان بۆ یه‌که‌مین جار له‌ کۆبوونه‌وه‌ی ساڵانه‌ی مونافقه‌کانی موجاهیدینی خه‌لق له‌ پاریس به‌شداری کرد.

تورکی فه‌یسه‌ڵ له‌ به‌شێک له‌ قسه‌کانی خۆیدا ڕوو له‌ مه‌ریه‌م ڕه‌جه‌وی، یه‌کێک له‌ رێبه‌ره‌کانی ئێستای ئه‌م گرووپه، دوو جار جه‌ختی کرد که‌ مه‌سعوود ڕه‌جه‌وی مردووه.

فه‌یسه‌ڵ ڕایگه‌یاند که‌ به‌ ته‌واوه‌تی پشتیوانی ده‌که‌ن له‌م گرووپه‌ دژبه‌ره‌ی ئێران و کاتێک ناوی مه‌سعوود ڕه‌جه‌وی هێنا وتی: خوالێخۆش بوو.

له‌ فیلمی ئه‌م رێوريسمه‌دا تورکی فه‌یسه‌ڵ له‌ وشه‌ی "خوالێخۆش بوو" که‌ڵک ده‌بات، به‌ڵام کاتێک بۆ زمانی فارسی وه‌ریده‌گێڕن ئاماژه‌ به‌م وشه‌یه‌ ناکرێت.

ئه‌مه‌ له‌ حاڵێکدایه‌ که‌ ده‌نگی ئه‌مریکا له‌ زاری ئه‌م گرووپه‌وه‌ هه‌واڵی مردنی مه‌سعوود ڕه‌جه‌وی ڕه‌ت کردووه‌ته‌وه. به‌ڵام ماوه‌یه‌کی زۆره‌ که‌ هیچ هه‌واڵێک له‌ مه‌سعوود ڕه‌جه‌وی بڵاو نه‌بووه‌ته‌وه.

سه‌رۆکی پێشووی ناوه‌ندی هه‌واڵگریی عه‌ره‌بستان هه‌روه‌ها به‌م گرووپه‌ تیرۆریستییه‌ به‌ڵێنی دا که‌ سه‌رکه‌وتن به‌سه‌ر کۆماری ئیسلامی ئێران نزیکه‌ و پاگه‌نده‌ی کرد که‌ ئێران له‌ کار و باری وڵاتانی عه‌ره‌بیدا ده‌ستێوه‌ردان ده‌کات، به‌ڵام ڕیاز به‌رنگاری ده‌بێته‌وه.

News Code 4230

نیشانەکان

بۆچوونی ئێوە

You are replying to: .
  • 6 + 1 =