کۆنفڕانسی شێخ حه‌سه‌ن مه‌ولاناوا له‌ سه‌قز به‌ڕێوه‌ ده‌چێت

سه‌رۆکی زانکۆی ئازادی ئیسلامی شاری سه‌قز له‌ به‌ڕێوه‌ چوونی کۆنفڕانسی شێخ حه‌سه‌ن مه‌لاناوا له‌ که‌سایه‌تییه‌ ئایینی و گه‌وره‌کانی کوردستان و جیهانی ئیسلام هه‌واڵی دا.

شاباز موحسنی به‌رپرسی ئه‌م کۆنفڕانسه‌ له‌ گفتوگۆ له‌گه‌ڵ هه‌واڵنێری مێهر وتی: شێخ حه‌سه‌ن مه‌ولاناوا یه‌کێکه‌ له‌ که‌سایه‌تی و زانا پله‌به‌رزه‌کانی کوردستان و جیهانی ئیسلام که‌ له‌ سه‌رده‌می ئه‌فشارییه‌کانی ئێران ژیاوه‌ و له‌ بواری فیقه و دین و عیرفان و قورئان ناسی و ئه‌ده‌بیات و وێژه‌  ئاسه‌واری زۆر پڕ بایه‌خی هه‌یه‌ و له‌ نێو خه‌لکی ناوچه‌که‌دا جێگه‌ی ڕێز و حورمه‌ته‌.

سه‌رۆکی زانکۆی ئازادی سه‌قز زیادی کرد: یه‌کێک له‌ به‌رهه‌مه‌ جوانه‌کانی شێخ حه‌سه‌ن  مه‌ولاناوا قورئانێکی ده‌ست نووسه‌ که‌ به‌ خه‌تی نه‌سخ نووسراوه‌ و له‌سه‌ر ده‌ستی شێخ به‌ فارسی وه‌گێڕدراوه‌ و شێخ حه‌سه‌ن ژێرنووسی تایبه‌ت به‌ خۆی، وه‌ک ئیجتهاد کردن پێ زیاد کردووه‌ و ناوی ته‌فسیره‌که‌ش "ئۆمولقورئانه‌". 

موحسنی وتی: له‌م کۆنفڕانسه‌دا وتاری زانستی له‌ لایه‌ن مامۆستایان و نووسه‌ران و لێکۆڵه‌ره‌ نه‌ته‌وه‌ییه‌کان به‌ ته‌وه‌ری ناساندنی ڕه‌هه‌نده‌ جیاوازه‌کانی که‌سایه‌تی زانستی و دینی شێخ حه‌سه‌ن مه‌ولاناوا ده‌خوێندرێته‌وه‌ و دواتر کۆی وتاره‌کان، وه‌ک کتێب له‌ چاپ ده‌درێت.

ئه‌و درێژه‌ی دا: جگه‌ له‌مه‌ش چه‌ندین کتێب له‌م که‌سایه‌تیه‌ سه‌قزییه‌ له‌ چاپ ده‌درێت و له‌ میانه‌ی کۆنفڕانسه‌که‌ له‌ نێو خه‌ڵکدا بڵاو ده‌کرێته‌وه‌.

سه‌رۆکی زانکۆی ئازادی ئیسلامی شاری سه‌قز له‌ کۆتاییدا وتی: ئه‌م کۆنفڕانسه‌ به‌ پشتیوانی زانکۆی ئازاد لقی سه‌قز و هاوکاری ئیداره‌ ده‌وڵه‌تییه‌کان و لێکۆڵه‌ری کورد له‌م ساڵدا به‌ڕێوه‌ ده‌چێت و چاوه‌ڕوان ده‌کرێت که‌ بتوانین له‌ که‌شێکی زانستی و زانکۆیی به‌ستێن بۆ ناساندنی هه‌رچی زیاتری ئه‌م که‌سایه‌تییه‌ دابین بکرێت.

News Code 4225

نیشانەکان

بۆچوونی ئێوە

You are replying to: .
  • 2 + 2 =