هه‌ڕه‌شه‌ی ئۆباما و گه‌ماڕۆدانی ڕووسیا به‌ بیانۆی پشتیوانی له‌ هاوپه‌یمانان

دوای لێدوانه‌کانی ئۆباما سه‌باره‌ت به‌ دامه‌زراندنی بنکه‌ و باره‌گای به‌هێزی ناتۆ له‌ دژی ڕووسیا، ڕێبه‌ره‌کانی ناتۆ بڵێنیان دا تاکوو به‌ هه‌زاران سه‌رباز ڕه‌وانه‌ی پۆله‌ندا و وڵاتانی ناوچه‌ی باڵتیک بکه‌ن.

ئاژانسی مێهر، گرووپی نێونه‌ته‌وه‌یی؛  ڕێکخراوی ئاتلانتیکی باکووری (ناتۆ) ئێواره‌ی هه‌ینی ڕایگه‌یاند که‌ چوار یه‌کینه‌ی سه‌ربازی به‌ ڕێژه‌ی ۴ هه‌زار که‌س له‌ باکووری ڕۆژهه‌ڵاتی ئه‌ورووپا جێگیر ده‌کات تاکوو ئاماده‌یی خۆیان بۆ ڕووبه‌ڕوو بوونه‌وه‌ی ڕووسیا که‌ له‌ وڵاتانی ناوچه‌که‌ هه‌ڕه‌شه‌ ده‌کات ده‌ربڕن.

ئه‌م بڕیاره‌ دوابه‌دوای ئه‌وه‌ دێت که‌ ئۆباما له‌ میانه‌ی قسه‌کانی خۆی به‌ تووندی ڕه‌خنه‌ی له‌ هه‌ڵس و که‌وته‌کانی ڕووسیا گرت.

ئه‌و به‌ر له‌وه‌ی دانیشتنه‌که‌ی ناتۆ ده‌ست پێبکات داوای کرد تاکوو ڕێبه‌ره‌کانی ناتۆ کرد به‌ باشی به‌رنگاری مه‌ترسییه‌کانی ڕووسیا ببنه‌وه.

په‌یوه‌ندییه‌کانی ناتۆ و ڕووسیا دوای سه‌رهه‌ڵدانی قه‌یرانی ئۆکراین و به‌ڕێوه‌ چوونی گشت پرسی له‌ مانگی مارسی ۲۰۱۴ له‌ دوورگه‌ی کریمه‌ و لکاندنی ئه‌م دووگه‌یه‌ به‌ ڕووسیاوه، ئاڵۆزییه‌کی زۆری تێکه‌وتووه.

ئۆباما وتی: له‌ وه‌رشۆ ئێمه‌ ده‌بێت له‌سه‌ر په‌یمانی خۆمان له‌ پێناو دابین کردنی ئاسایشی هاوپه‌یمانه‌کانمان ڕابوه‌ستین و به‌ پێی ماده‌ی ۵ ی ڕێککه‌وتنی ناتۆ له‌ وڵاتانی هاوپه‌یمانی خۆمان به‌رگری بکه‌ین، به‌ تایبه‌ت ده‌بێت ئاماده‌ی مه‌ترسییه‌ سایبرییه‌کان بین.  

یه‌نس ستۆلێتنبرگ، ئه‌مینداری گشتی ناتۆ له‌ کۆنفڕانسێکی ڕۆژنامه‌وانیدا وتی: ئه‌م یەکینانه‌ به‌هێز و کاریگه‌ر ده‌بن و یه‌کینه‌ی چه‌ند نه‌ته‌وه‌یین، ئه‌وان نیشانی ده‌ده‌ن که‌ هێرش کردن بۆ سه‌ر یه‌کێک له‌ هاوپه‌یمانه‌کانی ئێمه‌ یانی هێرش کردن بۆ سه‌ر هه‌موومان.

ئه‌و هه‌روه‌ها جه‌ختی کرد که‌ به‌ بابه‌تی زیاد کردنی هێز له‌ ده‌ریای ڕه‌ش، پشتیوانی له‌ داواکارییه‌کانی ڕۆمانیا و بۆڵغارستان ده‌کات.

ئه‌م کارانه‌ش به‌ پێی ماده‌ی ۵ ی ڕێککه‌وتنی ناتۆوه‌ ئه‌نجام ده‌بێت و به‌ پێی ئه‌م ماده‌یه‌ گه‌ر بۆ سه‌ر یه‌ک یان چه‌ند ئه‌ندامی ناتۆ هێرش بکرێت، وه‌ک ئه‌وه‌ وایه‌ که‌ بۆ سه‌ر هه‌موو ئه‌ندامه‌کانی ناتۆ هێرش کرابێت و ده‌بێت هه‌موویان پێکه‌وه‌ وڵام بده‌نه‌وه.

به‌م پێیه، بریتانیا ۵۰۰ سه‌رباز ڕه‌وانه‌ی ستۆنی ده‌کات و وڵاتانی ئاڵمانیا و کاناداش هێز بۆ لیتوانی و لتۆنی ده‌نێرن.

باراک ئۆباماش هه‌روه‌ها ڕایگه‌یاند که‌ له‌ ساڵی داهاتوودا یه‌ک هه‌زار سه‌ربازی دیکه‌ له‌ پۆله‌ندا جێگیر ده‌کات و به‌م کاره‌ش ئه‌وه‌نده‌ی دیکه‌ ژماره‌ی هێزکانی ناتۆ له‌ سنووره‌کانی ڕووسیا به‌رز ده‌بێته‌وه.

کۆبوونه‌وه‌ی ۲ ڕۆژه‌ی ناتۆ ڕۆژی هه‌ینی ۱۸ ی پۆشپه‌ڕ له‌ پایته‌ختی پۆله‌ندا ده‌ست پێ کرد و ئامانج له‌ به‌ڕێوه‌ بردنی ئه‌م کۆبوونه‌وه‌ش ئاماده‌یی سه‌ربازی زیاتر له‌ ڕۆژهه‌ڵاتی ئه‌ورووپایه.

په‌یوه‌ندییه‌کانی ناتۆ و ڕووسیا له‌ چه‌ند ساڵی ڕابردوودا ئاڵۆزی زۆری تێکه‌وتووه‌ و که‌رملین له‌ وڵامی ئه‌م کاره‌ی ناتۆ ڕایگه‌یاندوه‌ که‌ له‌م سنوورانه‌دا ئاماده‌یی سه‌ربازی خۆی به‌رز ده‌کاته‌وه.

News Code 4218

نیشانەکان

بۆچوونی ئێوە

You are replying to: .
  • 3 + 6 =