ئاگر له‌ پاڵاوگه‌ نه‌وتییه‌که‌ی باشووری ئێران کۆنتڕۆڵ کرا

وه‌زیری نه‌وتی ئێران وتی: پێترۆشیمی بوعه‌لی له‌ ماهشه‌هری ئێران دوای سووتان تاکوو ۳ هه‌فته‌ی دیکه‌ کاروباری ئاسایی خۆی ده‌ست پێده‌کاته‌وه‌، به‌ڵام تاوه‌ری پارازایلین ماوه‌یه‌کی زۆرتر ده‌خایه‌نێت.

به‌ ڕاپۆرتی ئاژانسی مێهر، بیژه‌ن زه‌نگه‌نه‌ سه‌رله‌به‌یانی ئه‌مڕۆ له‌ کوژانه‌وه‌ی ئاگره‌که‌ی هۆماری نه‌وتی بوعه‌لی له‌ شاری ماهشه‌هر هه‌واڵی دا و وتی: به‌ خۆشحاڵیه‌وه‌ تیمی ئاگر کوژانه‌وه‌ توانیان به‌ باشی ئاگری پێترۆشیمی ماهه‌شه‌هر کۆنترۆڵ بکه‌ن. یه‌کێک له‌ کێشه‌ گه‌وره‌کان کوژانه‌وه‌ی هه‌نبانه‌ی نه‌وتی ئه‌م پاڵاوگه‌ نه‌وتییه‌ بوو.

ئه‌و زیادی کرد: دواجار کاتژمێر ۲ی نیوه‌شه‌وی شه‌مه، هه‌موو ئه‌م هه‌وڵانه‌ وڵامیان دایه‌وه‌ و ئه‌م ئاگره‌ گه‌وره‌یه‌ کۆنترۆڵ  و خامۆش کرا. پاڵاوگه‌ی بوعه‌لی سینا تاکوو دوو یان ۳ هه‌فته‌ی دیکه‌ ده‌ست به‌کار ده‌کاته‌وه، به‌ڵام تاوه‌ری پارازیلینی ئه‌م ناوه‌ندییه پیرترۆشیمییه‌ ڕه‌نگه‌ کاتێکی زیاتر بخایه‌نێت چون ئاگره‌که‌ خه‌ساری زیاتری لێداوه.

زه‌نگنه‌ هه‌روه‌ها جه‌ختی کرد: هێزه‌کانی ئاگر کوژێنه‌وه‌ و هه‌موو به‌رپرسانی ناوچه‌که‌ کارێکی یه‌کجار گه‌وره‌یان ئه‌نجام داوه‌ و سپاسی هه‌موویان ده‌که‌م. ئێمه‌ چه‌ند ڕۆژێکی زۆر ناخۆشمان به‌سه‌ر کرد.

ئه‌و هه‌روه‌ها جه‌ختی کرد که‌ وه‌زاره‌تی نه‌وتی ئێران شلگێرانه به‌دواداچوون بۆ هۆکاره‌کانی ئه‌م ڕووداوه‌ ده‌کات.

ئه‌گه‌رچی تاکوو ئێسته‌ هۆکاری ئاگر که‌وتنه‌وه‌که‌ ڕوون نییه، به‌ڵام وه‌زیری نه‌وتی ئێران ئه‌م ئه‌گه‌ره‌ی ڕه‌ت کردوه‌وه‌ که‌ کارێکی تیرۆریستی بێت.

شایانی باسه‌ که‌ ناوه‌ندی پێترۆشیمی بوعه‌لی له‌ زه‌ویه‌ک به‌ ڕووبه‌ری ۳۶ دۆنم له‌ باکووری ڕۆژئاوای که‌نداوی فارس له‌ پارێزگای خوزستان له‌ ناوچه‌ی تایبه‌تی ئابووری ماهشه‌هر دروست کراوه‌ و له‌ چه‌ند ڕۆژی ڕابردوودا ئاگرێکی گه‌وره‌ی تێدا که‌وته‌وه.

News Code 4203

نیشانەکان

بۆچوونی ئێوە

You are replying to: .
  • 7 + 6 =