دووهه‌مین وجبه‌ی ئێس ۳۰۰ به‌مزوانە ڕاده‌ستی ئێران ده‌کرێت

به‌رپرسێکی باڵای ڕووسیا ڕایگه‌یاند که‌ مسکۆ دووهه‌مین وه‌جبه‌ی سیستمی مووشه‌کی ئێس ۳۰۰ به‌م زوانه‌ ڕه‌وانه‌ی ئێران ده‌کات.

به‌ ڕاپۆرتی ئاژانسی مێهر له‌ ڕۆژنامه‌ی ئیزۆستیا، به‌رپرسێکی باڵای ڕووسیا ڕایگه‌یاند که‌ مسکۆ دووهه‌مین به‌شی سیستمی مووشه‌کی ئێس ۳۰۰ به‌م زوانه‌ ڕه‌وانه‌ی ئێران ده‌کات.

ئه‌م ڕۆژنامه‌یه‌ له‌ زاری ئه‌لکسانده‌ر فامین، سه‌رۆکی ڕێکخراوی فیدراڵی سه‌باره‌ت به‌ ته‌کنۆلۆژیای سه‌ربازی ڕووسیا، نووسی: ئێمه‌ به‌شی یه‌که‌م که‌ به‌شێکی گرنگ بوو هه‌ناردمان و ئێسته‌ش ده‌مانه‌وێت به‌شی دووهه‌می ئه‌م سیستمه‌ مووشه‌کییه‌ ڕه‌وانه‌ی ئێران بکه‌ین. ئێرانیش ده‌بێت بودجه‌ی ئه‌م سیستمه‌ ڕه‌وانه‌ بکات.

فامین درێژه‌ی دا: له‌ لایه‌ن ئێمه‌وه‌ هه‌موو شتێک بۆ بار کردنی به‌شی دووهه‌می ئه‌م سیستمه‌ مووشه‌کییه‌ ئاماده‌ کراوه‌. هیوادارم له‌ داهاتوویه‌کی نزیکدا ئه‌نجام ببێت.

ئه‌و هه‌نارده‌ی به‌شی دووهه‌می ئێس ۳۰۰ی به‌سته‌وه‌ به‌ ڕه‌وانه‌ کردنی بڕه‌ پاره‌ی به‌شی دووهه‌می سیستمه‌که‌ و وتی: هاوکات له‌گه‌ڵ ناردنی پاره‌ی به‌شی دووهه‌م باره‌که‌ ڕه‌وانه‌ی ئێران ده‌که‌ین.

شایانی باسه‌ که‌ مێدیا ڕووسییه‌کانیش ماوه‌یه‌ک به‌ر له‌ ئێستا له‌ ناردنی چه‌ندین به‌شی گرنگ له‌ سیستمی مووشه‌کی ئێس ۳۰۰ بۆ ئێران تاکوو کۆتایی ساڵی ۲۰۱۶ی زاینی هه‌واڵیان دابوو.

News Code 4184

نیشانەکان

بۆچوونی ئێوە

You are replying to: .
  • 2 + 1 =