عه‌باس کیاڕۆسته‌می دەرهێنەری به‌ناوبانگی ئێرانی کۆچی دوایی کرد

عه‌باس کیاڕۆسته‌می ده‌رهێنه‌ری به‌ناوبانگی سینه‌مای ئێران ئێواره‌ی دوێنێ ۱۴ی پۆشپه‌ڕ له‌ وڵاتی فه‌ڕه‌نسا کۆچی دوایی کرد.

به‌ ڕاپۆرتی ئاژانسی مێهر، عه‌باس کیاڕۆسته‌می، ده‌رهێنه‌ری به‌ناوبانگی ئێرانی دوای تێپه‌ڕاندنی ماوەیەک نه‌خۆشی شێرپه‌نجه‌ ئێواره‌ی ۱۴ی پۆشپه‌ڕ له‌ وڵاتی فه‌ڕه‌نسا کۆچی دوایی کرد.

ئه‌و که‌ له‌م دواییه‌دا ئێرانی به‌ مه‌به‌ستی چاره‌سه‌ری پزشکی به‌ره‌و فه‌ڕه‌نسا به‌ جێهێشت بوو، له‌ فه‌ڕه‌نسا به‌ هۆی سه‌ختی نه‌خۆشیه‌که‌ی کۆچی دوایی کرد.

عه‌باس کیاڕۆسته‌می، ده‌رهێنه‌ری ناوداری ئێرانی براوه‌ی چه‌ندین خه‌ڵاتی گرنگی جیهان وه‌ک داره‌ خورمای زێڕینی فستیڤاڵی که‌نن بوو، له‌ زستانی پاره‌وه‌ پزشکه‌کان پێیان ڕاگه‌یاند که‌ شێرپه‌نجه‌ی هه‌یه‌ و دوای ئه‌وه‌ی له‌ ئێران چاره‌سه‌ری باشی بۆ نه‌دۆزرایه‌وه‌، ڕه‌وانه‌ی وڵاتی فه‌ڕه‌نسا بوو، به‌ڵام دواجار له‌وێش مه‌رگ کۆتایی به‌ ژیانی هونه‌ری ئه‌م سینه‌ماکاره‌ جیهانییه‌ هێنا.

کیاڕۆسته‌می له‌ دواین کاری هونه‌ری خۆیدا پیشانگایه‌کی بۆ ئایلانی کوردی له‌ وڵاتانی تورکیا و ئه‌ورووپا له‌ پایزی ساڵی ڕابردوودا به‌ڕێوه‌ برد، ئه‌و سه‌باره‌ت به‌ ئایلان وتبووی: وێنه‌ی ئایلان ته‌نیا وێنه‌یه‌کی ئاسایی نییه‌، ئه‌مه‌ فیلمێکی ته‌واو سینه‌ماییه‌ که‌ چیرۆکی په‌نابه‌ران تێیدا به‌ باشی ده‌بینرێت.

ئاژانسی مێهری کوردی به‌ش به‌ حاڵی خۆی په‌ژاره‌ و خه‌مباری خۆی بۆ کۆچی له‌ ناکاوی ئه‌م سینماکاره‌ ئێرانییه‌ ڕاده‌گه‌یه‌نێت.

News Code 4170

نیشانەکان

بۆچوونی ئێوە

You are replying to: .
  • 7 + 0 =