به‌ڵگه‌کانی ۱۱ی سیپتامبه‌ر عه‌ره‌بستانی خسته‌ حاڵه‌تی ئاماده‌ باشیه‌وه‌

باڵوێزخانه‌ی عه‌ره‌بستان له‌ واشnتۆن هاوکات له‌گه‌ڵ بڵاو کردنه‌وه‌ی به‌ڵگه‌کانی هێرشی ۱۱ سیپتامبه‌ر له‌ لایه‌ن ده‌وڵه‌تی ئه‌مریکا، بۆ به‌ر گرتن له‌ ئه‌گه‌ره‌کانی ڕۆژانی داهاتوو، که‌وته‌ حاڵه‌تی ئاماده‌ باشیه‌وه‌.

به‌ ڕاپۆرتی ئاژانسی مێهر له‌ یه‌ ئێس ئه‌ی توده‌ی، ده‌وڵه‌تی ئه‌مریکا به‌ڵگه‌ی ناسراو به‌ "که‌یسی ژماره‌ ۱۷"ی بڵاو کرده‌وه‌ که‌ له‌م به‌ڵگه‌دا ناوی زیاتر له‌ ۳۰ که‌سی په‌یوه‌ندیدار به‌ ڕووداوه‌کانی ۱۱ی سیپتامبره‌وه‌ هاتووه‌.

به‌م پێیه‌، بڵاو کردنه‌وه‌ی به‌شێک له‌ لاپه‌ڕه‌کانی ڕاپۆرته‌ ۲۸ لاپه‌ڕه‌ییه‌که‌ ئاماژه‌ ده‌کات به‌ په‌یوه‌ندی نێوان سعودییه‌کان له‌گه‌ڵ هێرشی ۱۱ سیپتامبه‌ر بۆ سه‌ر خاکی ئه‌مریکا، به‌ پێی زانیارییه‌ دزه‌ کراوه‌کان ده‌وڵه‌تی عه‌ره‌بستان له‌گه‌ڵ که‌سێک به‌ناوی فه‌هد زه‌میری که‌ ئیمامی جه‌ماعه‌تی مزگه‌وتێک له‌ لۆسانجلس بووه‌ په‌یوه‌ندی بووه‌ و ئه‌م ئیمامی جه‌ماعه‌ته‌ش له‌گه‌ڵ دوو تیرۆریست په‌یوه‌ندی بووه‌ که‌ فڕۆکه‌کانیان له‌ فڕۆکه‌خانه‌یه‌کی ئه‌مریکا دزیوه‌. ئه‌م دوو که‌سه‌ له‌ سه‌ندیۆگۆی ئه‌مریکا نیشته‌جێ بوون.

باب گراهام سیناتۆری پێشووی دیموکڕاته‌کان که‌ ڕێبه‌ری هاوبه‌شی لێکۆڵینه‌وه‌کانی ئه‌وکاتی به‌ده‌سته‌وه‌ بووه‌، ده‌ڵێت: به‌شێکی زۆر له‌م زانیاریانه‌ که‌ به‌ فایلی ژماره‌ ۱۷ ده‌ناسرێت، له‌ ۲۸ لاپه‌ڕه‌دا کۆکراوه‌ته‌وه‌.

له‌ به‌ڵگه‌یه‌کدا که‌ بۆ هه‌وه‌لێن جار له‌ ماڵپه‌ڕی ۲۸pages.org بڵاو بووه‌ته‌وه‌، ناوی ئه‌و که‌سانه‌ هاتووه‌ که‌ په‌یوه‌ندیان به‌ دزی فڕۆکه‌ ئه‌مریکییه‌کانه‌وه‌ کردووه‌، بڕێک له‌م په‌یوه‌ندییانه‌ش له‌ لایه‌ن باڵوێزخانه‌ی سعوودییه‌وه‌ بووه‌. هه‌ر ئه‌مه‌ش بووه‌ته‌ هۆی ئه‌وه‌ی که‌ گۆمانی ئه‌وه‌ ببێت که‌ سعوودییه‌کان دستیان له‌ ته‌قینه‌وه‌کانی ۱۱ سیپتامبه‌ردا بووه‌.

هه‌رچه‌ند له‌ کۆتایی ڕاپۆرته‌که‌ی کۆمۆسیۆنی ۱۱ی سیپتامبه‌ردا هاتووه‌ که‌ هیچ به‌ڵگه‌یه‌ک سه‌باره‌ت به‌ پشتیوانی دارایی ده‌وڵه‌ت یان به‌رپرسێکی سعوودی له‌م هێرشانه‌ به‌ ده‌ست نه‌هاتووه‌، به‌ڵام هاوکات ئه‌مه‌ ئه‌گه‌ره‌ش ڕه‌ت نه‌کراوه‌ته‌وه‌ که‌ ڕێکخراوه‌ خێرخوازه‌کانی عه‌ره‌بستان یارمه‌تی تیرۆریسته‌کانی ئه‌لقاعیده‌یان دابێت.

News Code 4149

نیشانەکان

بۆچوونی ئێوە

You are replying to: .
  • 8 + 10 =