تورکیا مافی هاووڵاتی بوون به‌ سوورییه‌کان ده‌دات

سه‌رۆک کۆماری تورکیا له‌ بڕیاری ئه‌م وڵاته‌ بۆ به‌خشینی مافی په‌نابه‌ری به‌ سوورییه‌کان هه‌واڵی دا.

به‌ ڕاپۆرتی ئاژانسی مێهر له‌ ڕاشا توده‌ی، وه‌زاره‌تی ناخۆی تورکیا ڕۆژی پێشوو ڕایگه‌یاند که‌ بۆ به‌خشینی مافی هاووڵاتی بوون به‌ ئاواره‌ سوورییه‌کان ئاماده‌ین و بۆ ئه‌م کاره‌ش ئاسانکاری پێویست ئه‌نجام ده‌ده‌ین.

ڕه‌جه‌ب ته‌یب ئه‌ردۆغان، سه‌رۆک کۆماری تورکیا له‌مباره‌وه‌ ئاماژه‌ی کرد که‌ ژماره‌یه‌کی زۆر له‌ سوورییه‌کان ده‌یانه‌وێت مافی شارۆمه‌ندی تورکیا وه‌ربگرن و وه‌زاره‌تی ناوخۆی تورکیا چه‌ند ڕێکارێکی له‌مباره‌وه‌ گرتووه‌ته‌ به‌ر.

ئه‌و به‌ ڕاگه‌یاندنی ئه‌م بابه‌ته‌ زیادی کرد: وه‌زاره‌تی ناخۆی تورکیا نووسینگه‌یه‌کی بۆ جێبه‌جێ کردنی ئه‌م بڕیاره‌ کردووه‌ته‌وه‌.

ئه‌ردۆغان له‌ درێژه‌دا وتی: نزیک به‌ ۳ ملیۆن ئاواره‌ی سووری له‌ تورکیا ئاماده‌ن و نزیک به‌ ۳ ملیۆن که‌سی دیکه‌ش له‌ وڵاتانی لوبنان، ئه‌ردۆن و عێراق جێگیر کراون.

ئه‌و پاگه‌نده‌ی کرد که‌ ئاسایی کردنه‌وه‌ی په‌یوه‌ندییه‌کانی ئه‌نقه‌ره‌ له‌گه‌ڵ مسکۆ و تل ئاڤیڤ له‌ درێژه‌ی چاره‌سه‌ر کردنی قه‌یرانی سووریادا ده‌بێت و تورکیا هه‌نگاوی دیکه‌شی بۆ ئه‌م مه‌به‌سته‌ له‌به‌رچاو گرتووه‌. سه‌رۆک کۆماری تورکیا ئاماژه‌ی به‌ چۆنیه‌تی ئه‌و هه‌نگاوانه‌ی که‌ بڕیاره‌ هه‌ڵیبگرن نه‌کرد.

News Code 4146

نیشانەکان

بۆچوونی ئێوە

You are replying to: .
  • 9 + 7 =