ته‌قینه‌وه‌کانی عێراق ۹۵ کوژراو و برینداری لێکه‌وته‌وه‌

ڕوودانی چه‌ند ته‌قینه‌وه‌ی تیرۆریستی له‌ عێراق بووه‌ هۆی کوژرانی لانی که‌م ۲۹ که‌س و بریندار بوونی ۶۶ که‌سی دیکه‌.

به‌ ڕاپۆرتی ئاژانسی هه‌واڵی مێهر له‌ ئه‌لمه‌دا پرێس، دوای ته‌قینه‌وه‌یه‌کی تیرۆریستی که‌ به‌ره‌به‌یانی ئه‌مڕۆ یه‌کشه‌مه‌ ۱۳ی پووشپه‌ڕ له‌ ناوه‌ندی شاری به‌غدا ڕوویدا ۹۵ که‌س کوژران و بریندار بوون.

سه‌رچاوه‌ ئه‌منییه‌کانی عێراق ڕایانگه‌یاند که‌ ئه‌م ڕووداوه‌ دوای ئه‌وه‌ بووه‌ که‌ ئۆتۆمبێلێکی بۆمبڕێژ کراو له‌ نێزیکی حسێنیه‌ی عه‌بدولڕه‌سوڵ له‌ ناوچه‌ی ئه‌لکه‌ڕاده‌ ته‌قیوه‌ته‌وه.

سه‌رچاوه‌یه‌ک له‌ وه‌زاره‌تی ناوخۆی عێراق له‌مباره‌وه‌ وتی که‌ دوای ته‌قینه‌وه‌ی ئه‌م ئۆتۆمبێله‌ بۆمبڕێژ کراوه‌ له‌ ناوچه‌ی که‌ڕاده‌ ۲۱ که‌س کوژراون و ۴۵ی دیکه‌ش بریندارن.

 هاوکات ته‌قینه‌وه‌یه‌کی دیکه‌ش  له‌ گوندی حه‌مامیاتی سه‌ر به‌ شاری تاجی له‌ باکووری به‌غدا ڕوویدا که‌ به‌و هۆیه‌وه‌ که‌سێک کوژرا و ۹ی دیکه‌ش بریندار بوون.

 له‌ ته‌قینه‌وه‌یه‌کی دیکه‌شدا بۆمبێک له‌ ناوچه‌ی نه‌هره‌وان له‌ باشووری ڕۆژهه‌ڵاتی به‌غدا بووه‌ هۆی کوژرانی که‌سێک.

 سه‌رچاوه‌که‌ی وه‌زاره‌تی ناوخۆی عێراق به‌ میدیاکانی وتووه‌ که‌ به‌ هۆی ته‌قینه‌وه‌یه‌کی دیکه‌ له‌ نێزیکی بازاڕێک له‌ باکووری ڕۆژهه‌ڵاتی به‌غدا ۶ که‌س کوژراون و ۱۲ دیکه‌ بریندارن.

هه‌روه‌ها به‌ره‌به‌یانی ئه‌مڕۆ یه‌کشه‌مه‌ له‌ نێزیکی بازاڕی شه‌لال له‌ ناوچه‌ی شه‌عب له‌ باکووری ڕۆژهه‌ڵاتی به‌غدا ته‌قینه‌وه‌یه‌ک ڕوویداوه.

News Code 4138

نیشانەکان

بۆچوونی ئێوە

You are replying to: .
  • 2 + 1 =