هه‌ناردنی یه‌که‌مین که‌شتی یارمه‌تی مرۆڤی تورکیا بۆ فه‌له‌ستین

یه‌که‌مین که‌شتی بارهه‌ڵگری یارمه‌تییه‌ مرۆڤییه‌کانی تورکیا ڕۆژی هه‌ینی له‌ به‌نده‌ری مه‌رسینی تورکیا به‌ره‌و به‌نده‌ری ئه‌سدوود له‌ فه‌له‌ستینی داگیرکراو ڕێکه‌وت.

به‌ ڕاپۆرتی ئاژانسی میهر له‌ ئاناتۆلی، یه‌که‌مین که‌شتی بارهه‌ڵگری یارمه‌تییه‌ مرۆڤییه‌کانی تورکیا ڕۆژی هه‌ینی له‌ به‌نده‌ری مه‌رسین له‌ باشووری تورکیا به‌ره‌و به‌نده‌ری ئه‌سدود له‌ فه‌له‌ستینی داگیرکراو به‌ڕێکرا، ئه‌م که‌شتییه‌ دوای گه‌ڕیانی بازگه‌ زایۆنییه‌کان ڕاده‌ستی فه‌له‌ستنییه‌کان ده‌کرێت.

ناوی ئه‌م که‌شتییه، له‌یدی له‌یلییه، به‌ هۆی ڕێککه‌وتنی ئه‌م دواییه‌ی نێوان ئیسڕائیل و تورکیا به‌ره‌و فه‌له‌ستین ڕه‌وانه‌ کراوه‌ و ده‌وترێت که‌ ۱۱ هه‌زار تۆن یارمه‌تی مرۆڤانه‌ی تورکیا ده‌گه‌یه‌نێته‌ فه‌له‌ستینییه‌کان.

تورکیا و ڕژیمی زایۆنی ڕۆژی دووشه‌مه‌ی ڕابردوو و دوای چه‌ندین ساڵ ناکۆکی، ڕێککه‌وتنێکی سیاسیان واژۆ کرد و به‌ پێی ئه‌م ڕێککه‌وتنه‌ په‌یوه‌ندییه‌کانی نێوان هه‌ر دوو لا ئاسایی ده‌بێته‌وه.

په‌یوه‌ندییه‌کانی تورکیا و ڕژیمی داگیرکه‌ری قودس له‌ ساڵی ۲۰۱۰ و له‌ دوای هێرشی کۆماندۆکانی هێزه‌ ده‌ریاییه‌کانی ڕژیمی زایۆنی بۆ سه‌ر که‌شتی مه‌ڕمه‌ڕه‌ی تورکیا ئاڵۆزی زۆری تێکه‌وت. له‌م ڕووداوه‌دا ۹ که‌سی تورک کوژران.

دواجار ڕه‌جه‌ب ته‌یب ئه‌ردۆغان سه‌رۆک کۆماری تورکیا ڕایگه‌یاند که‌ رژیمی زایۆنی ده‌بێت داوای لێبوردن له‌ تورکیا بکات و غه‌رامه‌ی تورکه‌ کوژراوه‌کان بدات، به‌ڵام ڕژیمی زایۆنی گوێی پێنه‌دا و دواجار ئه‌نقه‌ره‌ ناچار بوو ته‌نیا به‌ شل کردنه‌وه‌ی گه‌ماڕۆکانی سه‌ر ناوچه‌ی غه‌زه‌ ڕه‌زایه‌ت بدات.

به‌ پیی ئه‌م ڕێککه‌وتنه‌ تورکیا به‌رپرسه‌ له‌ دابین کردنی یارمه‌تی مرۆڤی بۆ خه‌ڵکی فه‌له‌ستین له‌ غه‌زه.

News Code 4134

نیشانەکان

بۆچوونی ئێوە

You are replying to: .
  • 7 + 10 =