ڕێز له‌ دوکتور ئه‌سعه‌د ئه‌رده‌ڵان گیرا

به‌ هاوکاری ئه‌نجومه‌نی ڕێزگرتن له‌ مامۆستایان و هونه‌رمه‌ندانی کوردستان، له‌ میانه‌ی ڕێوڕه‌سمێکی شیاودا ڕێز له‌ ده‌یان ساڵ چالاکی و خزمه‌تی دوکتور ئه‌سعه‌د ئه‌رده‌ڵان، نووسه‌ر و لێکۆڵه‌ر و مێژووناس و مافناسی کورد گیرا.

به‌ ڕاپۆرتی ئاژانسی مێهر ، له‌ لایه‌ن ئه‌نجومه‌نی ڕێزگرن له‌ مامۆستایان و هونه‌رمه‌ندانی کوردستان و به‌ هاوڕێی گرووپێک له‌ هونه‌رمه‌ندان و نووسه‌ران و چالاکانی فه‌رهه‌نگی و کۆمه‌ڵایه‌تی پارێزگای کوردستان، ڕێز له‌ ده‌یان ساڵ چالاکی و خزمه‌تی دوکتور ئه‌سعه‌د ئه‌رده‌ڵان، نووسه‌ر و لێکۆڵه‌ر و مێژووناس و مافناسی کورد گیرا.

به‌ پێی ئه‌م ڕاپۆرته‌ ڕێوڕه‌سمه‌که‌ له‌ ماڵی دوکتور ئه‌سعه‌د ئه‌رده‌ڵان به‌ڕێوه‌ چوو. له‌ سه‌ره‌تای ئه‌م ڕێوڕه‌سمه‌دا یه‌حیا سه‌مه‌دی چالاکی فه‌رهه‌نگی شاری سنه‌ وتی: زیاتر له‌ 10 ساڵه‌ که‌ چالاکی ئه‌م ئه‌نجومه‌نه‌ جه‌ماوه‌رییه‌ ده‌ستی پێکردووه‌ و ته‌نیا له‌ لایه‌ن نووسه‌ره‌کان، هونه‌رمه‌نده‌کان و چالاکانی فه‌رهه‌نگی پارێزگای کوردستانه‌وه‌ به‌ڕێوه‌ ده‌چێت و له‌ هیچ شوێنێکی حکوومی یارمه‌تی ورناگرێت.

ئه‌و زیادی کرد: له‌ ڕابردوودا ئه‌و جۆره‌ی که‌ شایه‌سته‌یه‌ به‌م شته‌ بایه‌خ نه‌دراوه‌، به‌ڵام ئێمه‌ هاوکات له‌گه‌ڵ دیدار له‌ مامۆستایان و هونه‌رمه‌ندانی گه‌وره‌ی کورد، ڕێز له‌ ده‌یان ساڵ چالاکی و خزمه‌تی ئه‌وان له‌ گۆڕه‌پانی فه‌رهه‌نگی و هونه‌وریدا ده‌گرین.

سه‌مه‌دی داوای کرد تاکوو به‌ یارمه‌تی ئه‌ندامانی ئه‌م ئه‌نجومه‌نه‌، ئه‌م جۆره‌ دیدارانه‌ درێژه‌ی هه‌بێت و هیوای خواست که‌ له‌ داهاتوویه‌کی نزیکدا په‌ره‌ی زیاتر به‌ چالاکییه‌کانی خۆیان بده‌ن و بتوانن زیاتر سه‌ردان و ڕێز له‌ ناودارانی کورد بگرن.

شایانی باسه‌ که‌ دوکتور ئه‌سعه‌د ئه‌رده‌ڵان له‌ دایکبووی شاری دێولانی نزیک به‌ سنه‌یه‌ و ده‌یان ساڵه‌ که‌ له‌ بواری فه‌رهه‌نگی و کۆمه‌ڵایه‌تی و سیاسی چالاکی هه‌یه‌ و چه‌ندین کتێب و وتاری به‌نرخی له‌ بواری مێژوویی، مافه‌وانی و سیاسی نووسیوه‌ و جێگه‌ی ڕیز و حورمه‌تی زۆر که‌سه‌ له‌ ئێراندا.

News Code 4127

نیشانەکان

بۆچوونی ئێوە

You are replying to: .
  • 2 + 1 =