هه‌ڵبژارده‌ی ئێران دیواری سێربستانی له‌ تاران ڕووخاند

هه‌ڵبژارده‌ی نه‌ته‌وه‌یی والیباڵی ئێران له‌ یه‌که‌مین دیداری خۆیدا له‌ حه‌وته‌ی سێهه‌می پێشبڕکێیه‌کانی خولی نایابی جیهانیی ۲۰۱۶ به‌رانبه‌ر به‌ سێربستان، توانی ئه‌م هه‌ڵبژارده‌ که‌ پله‌ی یه‌که‌می پێشبڕکێیه‌کای هه‌یه‌ بدۆڕێنێ.

به‌ ڕاپۆرتی ئاژانسی هه‌واڵی مێهر، هه‌ڵبژارده‌ی نه‌ته‌وه‌یی ئێران و سێربستان له‌ کاتژمێر ۲۱ی ڕۆژی هه‌ینی و له‌ حه‌وته‌ی سێهه‌می پیشبڕکییه‌کانی خولی جیهانیی ۲۰۱۶ له‌ هۆڵی ۱۲ هه‌زار که‌سی کۆمه‌ڵه‌ی ئازادی تاران، ڕووبه‌ڕووی یه‌کتر بوونه‌وه‌ و له‌ کۆتاییدا ئێران به‌ ئه‌نجامی ۳ به‌رانبه‌ر به‌ ۲ سه‌رکه‌وت.

هه‌ڵبژارده‌ی سێربستان سته‌کانی یه‌که‌م و دووه‌می به‌خاڵی ۲۵ به  ۱۸، ۲۵ به‌ ۲۲ برده‌وه‌ به‌ڵام کوڕانی لۆزانۆ سێته‌کانی سێهه‌م و چواره‌می به‌ ئه‌نجامی ۲۵ به‌ ۲۲ و ۲۵ به‌ ۲۳ برده‌وه‌ و له‌ کۆتاییدا سێتی پێنجه‌می ئه‌م پێشبڕکێیانه‌ به‌ ئه‌نجامی ۱۶ به‌ ۱۴  له‌ به‌رژه‌وه‌ندی هه‌ڵبژارده‌ی ئێران کۆتایی هات.

 به‌م ئه‌نجامه‌ هه‌ڵبژارده‌ی نه‌ته‌وه‌یی سێربستان پاش ۶ بردنه‌وه‌ی یه‌ک له‌ دوای یه‌ک له‌ خولی جیهانیی والیباڵی ۲۰۱۶، له‌ تاران دۆڕا. ‌

News Code 4125

نیشانەکان

بۆچوونی ئێوە

You are replying to: .
  • 2 + 12 =