ڕەشنوسی ڕێککەوتنی ڤیەنا ئامادەیە/هێڵە سوورەکان تێپەڕناکەین

وتەبێژی وەزارەتی دەرەوەی ئێران بە وتنی ئەوەی کە ڕەشنووسێک لە ڕێککەوتن ئامادە کراوە، وتی: سەرووی سەدا 97 ، 98 لەسەدی بە شێوەی هاوبەش نووسراوە.

بە ڕاپۆرتی ئاژانسی هەواڵی مێهر، سەعید خەتیب زادە لە کۆنگرەی ڕۆژنامەڤانی سەبارەت بە دوایین دۆخی دانوستانەکانی ڤیەنا وتی: سەفەری بەڕێز باقری بۆ تاران وەکوو سەفەرە ڕابردووەکانی بۆ ئەنجامی ڕاوێژکاری پێویست بووە.

هێڵە سوورەکان تێپەڕناکەین

ناوبراو ڕاشیگەیاند: بەداخەوە لە سێ یان چەند بابەتی سەرەکیدا هێشتا لایەنە ڕۆژاواییەکان و ئەمریکا بڕیاری سیاسیان نەداوە.

خەتیب زادە زیادی کرد: لە هەموو پێوەندییەکاندا هەوڵمان دا هێڵە سوورەکانی کۆماری ئیسلامی و مەنتقی وڵاتەکەمان بۆ لایەنی ڕۆژاوایی ڕوون بکرێتەوە.

ڕەشنووسێک لە ڕێککەوتنەکە ئامادە بووە

وتەبێژی دەزگای دیپلۆماسی وتیشی: ڕەشنووسێک بە شێوەی هاوبەش ئامادە کراوە و سەرووی 97، 98 لەسەدی بە شێوەی هاوبەش نووسراوە و ئەوەی کە ماوەتەوە، هەندێک بابەتە ئەبێ جارەسەر بکرێن.

خەتیب زادە ڕاشیگەیاند بابەتگەلێک لە بواری هەڵوەشاندنەوەی گەمارۆکان، مسۆگەر کردنەکان و هەندێک پاگەندەی سیاسی لە بواری چالاکی ئاشتیخوازانەی ناڤۆکی ئێران ئەبێ لە بەستێنێکی گونجاودا ئامادە بکرێت؛ نەچووینەتە ڤیەنا لە ڕێککەوتنی نوێ بکەین. لە ساڵی 2015 ڕێککەوتن کراوە.

News Code 41186

نیشانەکان

بۆچوونی ئێوە

You are replying to: .
  • 6 + 3 =