کاردانه‌وه‌ نێونه‌ته‌وه‌ییه‌کان به‌ ته‌قینه‌وه‌کانی ئه‌سته‌نبۆڵ

به‌رپرسانی ژماره‌یه‌ک له‌ وڵاتانی جیهان هێرشی تیرۆریستیان بۆ سه‌ر فڕۆکه‌خانه‌ی ئاتاتورکی ئه‌سته‌نبۆڵ به‌ توندی ئیدانه‌ کرد.

به‌ ڕاپۆرتی ئاژانسی مێهر له‌ ده‌یلی سه‌باح، ڕێبه‌رانی چه‌ند وڵاتێکی جیهان هێرشه‌ تیرۆریستییه‌کانی ئه‌سته‌نبۆڵ که‌ بووه‌ هۆی قوربانی بوونی ۱۳۸ که‌س، ئیدانه‌ کرد.

هه‌ر له‌مباره‌وه‌، جاش ئێرنست، به‌رپرسی مێدیایی کۆشکی سپی ڕایگه‌یاند که‌ ئه‌مریکا هێڕشی تیرۆریستی بۆ سه‌ر فڕۆکه‌خانه‌ی نێونه‌ته‌وه‌یی ئاتاتورک له‌ تورکیا به‌ توندی ئیدانه‌ ده‌کات.

ئێرنست له‌ درێژه‌دا وتی: فڕۆکه‌خانه‌ی نێونه‌ته‌وه‌یی ئاتاتورک وه‌ک فڕۆکه‌خانه‌ی بروکسڵ که‌ له‌ سه‌ره‌تاکانی ساڵی نوێی زانیه‌وه‌ هێرشی کرایه‌ سه‌ر، هێمایه‌کی نێونه‌ته‌وه‌ییه‌ که‌ هه‌موومان پێکه‌وه‌ گرێ ده‌دات. ئه‌و دواتر هیوای خواست که‌ برینداره‌کانی ئه‌م هێرشه‌ هه‌رچی زووتره‌ چاک ببنه‌وه‌.

فرانک واڵتر شتاین مایه‌ر، وه‌زیری ده‌ره‌وه‌ی ئاڵمانیاش به‌ ئیدانه‌ کردنی ئه‌م هێرشانه‌ وتی که‌ باکگراوندی ئه‌م هێرشانه‌ نامۆیه‌. ئه‌و دوای هیوای چاک بوونه‌وه‌ بۆ برینداره‌کان وتی: ئه‌ڵمانیا له‌ ته‌نیشت تورکیادا وه‌ستاوه‌ و له‌م وڵاته‌ پشتیوانی ده‌کات.

چارلز میشل، سه‌رۆک وه‌زیرانی به‌لژیکیش له‌ میانه‌ی کۆبوونه‌وه‌یه‌کی ئه‌منییه‌تی له‌ بروکسل له‌ سه‌ر لاپه‌ڕه‌ی تویتری خۆی نووسی: ئه‌مه‌ هێرشێکی تیرۆریستی قبووڵ نه‌کراوه‌. له‌ خه‌ڵکی تورکیا پشتیوانی ده‌که‌ین.

دالیا گریبائۆسکایت، سه‌رۆک کۆماری لیتوانییش ئه‌م هێرشانه‌ی به‌ تووندی ئیدانه‌ کرد و ئه‌م ڕووداوه‌ی به‌ دامارگرژانه‌ و دڕندانه‌ وه‌سف کرد.

جان باس، باڵوێزی ئه‌مریکا له‌ ئه‌نقه‌ره‌ هاوکات له‌گه‌ڵ ئیدانه‌ کردنی ئه‌م هێرشه‌ تیرۆریستیانه‌ له‌گه‌ڵ بنه‌ماڵه‌ی قوربانییه‌کان هاوده‌ردی کرد. ئه‌مه‌ له‌ حاڵێکدایه‌ که‌ باراک ئۆباما، سه‌رۆک کۆماری ئه‌مریکا له‌ میانه‌ی کۆبوونه‌وه‌یه‌کی کورت چۆنیه‌تی ئه‌م هێرشانه‌یان تاوتوێ کرد. جان کری وه‌زیری ده‌ره‌وه‌ی ئه‌مریکاش ڕایگه‌یاند که‌ ئه‌م وڵاته‌ له‌ هه‌وڵ دایه‌ تاکوو زانیاری پێویست سه‌باره‌ت به‌ بکه‌ره‌کانی ئه‌م هێرشانه‌ به‌ده‌ست بێنێت.

دۆناڵد ترامپ، به‌ربژاری کۆماری خوازه‌کانی سه‌رۆک کۆماری ئه‌مریکاش له‌ کاردانه‌وه‌ به‌م هێرشانه‌ وتی: مه‌ترسی تیرۆریست هه‌رگیز تاکوو ئه‌م ڕاده‌یه‌ی ئێستا گه‌وره‌ و جدی نه‌بووه‌.

شایانی باسه‌ که‌ له‌ دوای ڕوودانی دوو ته‌قینه‌وه‌ی خۆکوژی و ته‌قه‌ کردن له‌ فڕۆکه‌خانه‌ی نێونه‌ته‌وه‌یی ئاتاتورک له‌ ئه‌سته‌نبۆڵ ، ۳۶ که‌س کوژران و لانی که‌م ۱۴۷ که‌سیش بریندار بوون.

News Code 4093

نیشانەکان

بۆچوونی ئێوە

You are replying to: .
  • 1 + 4 =