هەردوو لایەن داکۆکیان کردە سەر پێک هێنانی پێوەندی ستراتیژیکی نێوان دوو وڵات

ویلایەتی ڕاوێژکاری ڕێبەری مەزنی شۆڕش لە کاروباری نێودەوڵەتی لە گەڵ فەیسەڵ مێقداد وەزیری دەرەوەی سووریا دیداری کرد و لە سەر پێوەندی دوو وڵات و بابەتە ناوچەیی و نێودەوڵەتییەکان باس و وتووێژیان کرد.

بە پێی راپۆرتی ئاژانسی هەواڵی مێهر، عەلی ویلایەتی لەم دیدارەدا وێڕای داکۆکی لە سەر پێوەندی ستراتیژیکی نێوان دوو وڵات، باسی پێویستیی گەشە و بەرزکردنەوەی پێوەندی هەمە لایەنەی نێوان ئێران و سووریای کرد.

ئەو وتیشی: ڕێگای بەرەنگاری لە گەڵ دوژمنان لە سووریا درێژەی هەیە و یەکگرتوویی وڵاتانی ئەندامی بەرەی بەرخۆدان لەم ساڵانەی دواییدا بۆتە هۆی ئەوەی بتوانن رێگری لە دەستدرێژی بیانییەکان بکەن و سەرکەوتنێکی بێ وێنە بە دەست بێنن.

ناوبراو وتیشی: ئاکامی زۆر باشی پێک هێنانی بەرەی بەرخۆدان جیهانی ئیسلامی هیوادار کردووە کە دەتوانن لە ڕێگای بەرخۆدانەوە هەموو زلهێزەکانی جیهان ببەزێنن.

ویلایەتی لە بەشێکیتر لە وتەکانیدا ڕوونی کردەوە: بەرخۆدانی یەمەن، داگیرکەرانی بەزاند و بەم زوانە دەبێتە هۆی پاشەکشێ ئەوان و وڵاتێکی سەربەخۆ، خاوەن دەسەڵات و پشتیوانی بایەخە ئیسلامییەکان پێک دێت.

لە درێژەی ئەم دیدارەدا فەیسەڵ مێقدادیش وێڕای ڕێزنان لە پشتیوانییەکانی تاران لەو وڵاتە، وتی: پێوەندی ستراتیژیکی نێوان دوو وڵات زۆر گرینگە و بەم زووانە بەستێنێ دیداری دوو سەرۆک کۆماری ئێران و سووریا پێک دێت.

ئەو وتیشی: هاوکاری کۆماری ئیسلامی ئێران و سووریا پەیامێک بۆ بەرەکانی داهاتووە بۆ ئەوەی لە ڕەهەندە ستراتیژیکەکانی ئەم پێوەندییە تێبگەن و ئیزنی دەستێوەردان بە بیانییەکان نەدەن.

News Code 40249

نیشانەکان

بۆچوونی ئێوە

You are replying to: .
  • 5 + 8 =