ئاگرکەوتنەوەی قامیشەکانی گۆلی زرێباری مەریوان کۆنترۆڵ کرا

جێگری ژینگەی دایرەی گشتیی پاراستنی ژینگەی کوردستان وتی: ئاگرکەوتنەوەی قامیشەکانی گۆلی نێودەوڵەتی زرێبار پاش ١٤ کاتژمێر کۆنترۆڵ کرا و لەم ڕووداوەدا زیاتر لە ٢٨٠ دۆنم لە قامیشەکان سووتان.

بە پێی هەواڵی مێهر، شەهاب محەمەدی وێڕای ئاماژە بە ئاگرکەوتنەوە لە زرێبار، وتی: سەرەڕای هەوڵ و تێکۆشانی خەڵک و چالاکانی ژینگە، هاتنی بای توند گەشەی زیاتری ئاگرکەوتنەوە لە زرێباری بەدواوە بوو بەڵام لە ئەنجامدا ئاگرەکە کۆنترۆڵ کرا.

ئەو وتیشی: وێدەچێ نێزیکەی ٢٨٠ دۆنم لە قامیشەکانی زرێبار سووتابێت بەڵام هاوکارانی دایرەی ژینگەی مەریوان بەدوای لێکدانەوەی خەسارەکانی ئەم ئاگرکەوتنەوەن و زانیاری ورد لە سەری کۆ دەکەنەوە.

ناوبراو وتیشی: جێگای داخە کە هەندێ کەس پێیان وایە بە سووتاندنی قامیشەکان زرێبار ڕزگار دەکەن کەچی ئەو شوێنانەی ئاگریان تێ بەردراوە، گرینگترین شوێنی مانەوەی بوونەوەر و پەلەوری جۆراوجۆرن.

News Code 40186

نیشانەکان

بۆچوونی ئێوە

You are replying to: .
  • 9 + 1 =