بۆ ڕێککەوتن نەچووینەتە بەغدا/ گفتوگۆ لە گەڵ سەرکردەکانی شیعە و سوننە دەکەین

شاندێکی یەکێتیی نیشتمانیی کوردستان لە بەغدایە. ئەندامێکی شاندەکە دەڵێت: لەگەڵ هەموو لایەنەکان کۆدەبنەوە.

بە پێی ڕاپۆرتی ئاژانسی هەواڵی مێهر، رێبوار تەها، ئەندامی ئەنجوومەنی سەرکردایەتیی یەکێتیی نیشتمانیی کوردستان و ئەندام لە شاندەکە بە تۆڕی میدیایی رووداوی راگەیاند، ئامانجی سەردانەکەیان هەڵسەنگاندنە بۆ دۆخی ئێستای عێراق و هێنانەوەی بەرچاوڕوونییەکە بۆ سەرکردایەتی و مەکتەبی سیاسیی یەکێتی.

شاندەکە پێکهاتوون لە رێبوار تەها، خالید شوانی، د. مەجید و رابیحە حەمەد، ئەندامانی سەرکردایەتی یەکێتیی نیشتمانیی کوردستان.
رێبوار تەها دەڵێت: ئەوان بۆ رێککەوتن نەچوونەتە بەغدا، بەڵکو "لەسەر رووداوەکانی ئەم دواییەی بەغدا و دوای هەڵبژاردن گفتوگۆ لەگەڵ سەرجەم سەرۆکی بەرە و لایەنە سیاسییەکانی شیعە و سوننە دەکەین".هەروەها وتیشی، "ئەمشەو لەگەڵ د.بەرهەم ساڵح، [سەرۆککۆماری عێراق] کۆبوونەتەوە و چوارشەممەش لەگەڵ لایەنەکانی دیکە کۆدەبنەوە".
ئەو ئەندامەی سەرکردایەتیی یەکێتی ئاماژەی بەوەشکرد، یەکێتی دەیەوێت هەنگاوی رژدی بنێت کە لایەنە سیاسییەکان پێکەوە بچنە بەغدا، وتیشی: "دەکرێت پڕۆژەی هەموو لایەنەکان یەکبخەین کە ببێتە پڕۆژەیەکی نیشتمانی".

News Code 39926

نیشانەکان

بۆچوونی ئێوە

You are replying to: .
  • 3 + 2 =