بە ڕاپۆرتی ئاژانسی هەواڵی مێهر، سێ ئەندامی بنەماڵەیەکی کوردی دانیشتووی ڕووسیا، لە هێرشێکی ڕەگەزپەرستانەی کەسێکی ڕووسیایی کوژران. لە ئەو هێرشەدا کە لە 17 ی سێپتەمبەر ڕووی دا، دایکی بنەماڵە و کوڕی 19 ساڵان و نەوەی 5 ساڵانی گیانیان لەدەست دا. مێدیا ڕووسییەکان چەند ڕۆژ لەمەوپێش لە دەستگیر کرانی هۆاکری کوشتوبڕەکەی ئەو بنەماڵە هەواڵیان دا.
بە گوێرەی هەواڵەکان، ئاسیا یەکێک لە کچەکانی ئەو خانمە کوژراوە، وتوویە کە بکوژەکە سەرەتا عەزیز واتا منداڵە پێنج ساڵانەکەی خنکاندووە و دواتر بە دەسڕێژی گوللە نادری 19 سالان و گولستانی دایکی کوشتووە.
پۆلیسی خۆجەیی ڕاپۆرتی داوە کە ڤیکتۆر میرسکۆ بکوژە ڕەگەزپەرستەکە، پیشتریش هەڕەشەی کوشتنی لە بنەماڵەیەکی کورد کردبووە.
Your Comment