ئاژانس سەربەخۆیی خۆی بپارێزێت/ ئێران دانوستانێک دەکات کە ئەنجامی هەبێت

سەرۆکی ڕێکخراوەی وزەی ئەتۆم وتی: سەرۆک کۆماری ئێران ڕایگەیاندووە دەوڵەت دانوستانێک بەڕێوە دەبات کە ئەنجامی هەبێت و مەبەست لەوەش هەڵوەشانەوەی گوشار و گەمارۆکانی سەر میلەتی ئێرانە.

بە پێی هەواڵی مێهر، محەمەد ئیسلامی جێگری سەرۆک کۆمار و سەرۆکی ڕێکخراوەی وزەی ئەتۆم لە ٦٥ەمین کۆنفڕانسی ئاژانسی نێودەوڵەتی وزەی ئەتۆم وتەدانی پێشکەش کرد.

دەقی وتەکانی سەرۆکی ڕێکخراوەی وزەی ئەتۆم بەم شێوەیە:

ئاژانس بە پێی یاسای خۆی دەبێ بە بێ جیاوازی بۆ گەشەی کەڵک وەرگرتنی ئاشتی خوازانە لە وزەی ئەتۆم یارمەتی هەموو وڵاتانی ئەندام بدات. هەروەها دەبێ بۆ گەشەی هاوکاری تەکنیکی و ئاڵوگۆڕی زانیاری نێوان وڵاتانی ئەندام هەوڵ بدات.

ئێستا کاتی ئەوە هاتووە ئەمریکا کۆتایی بە سیاسەتە هەڵەکانی بێنێت و هەموو گەمارۆکان هەڵوەشێنێتەوە. سەرۆک کۆماری ئێران ڕایگەیاندووە دەوڵەت دانوستانێک بەڕێوە دەبات کە ئەنجامی هەبێت و مەبەست لەوەش هەڵوەشانەوەی گوشار و گەمارۆکانی سەر میلەتی ئێرانە.

ئێران هەمیشە لە گەڵ ئاژانس هاوکاری کردووە و پێویستە ئاژانسی نێودەوڵەتی وزەی ئەتۆمیش لە سیاسی کاری خۆ ببوێرێت و سەربەخۆیی و پرۆفێشناڵ بوونی خۆی بپارێزێت.

News Code 39221

نیشانەکان

بۆچوونی ئێوە

You are replying to: .
  • 1 + 2 =