تورکیا و تاڵانی زەیتوونەکانی عەفرین

تورکیا پاش داگیرکردنی عەفرین باخی زەیتوونەکانی ئەم ناوچەیان تاڵان کرد و بەرهەمەکانی ئەوان لە بازاڕە جیهانییەکاندا دەفرۆشن.

بە پێی هەواڵی مێهر، تورکیا پاش داگیرکردنی عەفرین، باخی زەیتوونەکانی ئەم ناوچەی تاڵان کرد و لە بازاڕە جیهانییەکان دەیفرۆشێت و بەم شێوە ساڵانە زیاتر لە ١٣٠ ملیۆن یۆرۆ داهاتی دەبێت.

هەواڵدەریی فورات بە بڵاوکردنەوەی وتارێک سەبارەت بە تاڵانی باخی زەیتوون و کارخانەکانی عەفرین لە لایەن حکوومەتی تورکیا، ناوی ئەم کارەی ناوەتە "گۆڕانی زەیتوون بۆ تاڵانی جیهانی". گەرچی هەندێ لە بەرهەمەکانی عەفرین لە بازاڕە جیهانییەکاندا بە ناوی عەفرینەوە بڵاو دەکرێنەوە بەڵام سەدان جۆری دیکەش بە بێ ناوی عەفرین دەفرۆشرێن.

کاتێ کە تورکیا هێرشی کردە سەر عەفرین ١٨ ملیۆن داری زەیتوون لەم ناوچەدا بوو. رۆنی زەیتوونی عەفرین بە زێڕی زەرد ناسراوە. لە ساڵی ٢٠١٨ کە تورکیا عەفرینی داگیر کرد، بە پێی پێش بینی ئابووری ناسان ١٣٠ ملیۆن یۆرۆ داهاتی چنینەوەی زەیتوون عەفرینیان تاڵان کرد.

بە گوێرەی ڕاگەیاندنی گۆڤاری Le Point فەرەنسی، تەنیا ٦٠ مێلیۆن یۆرۆ لەم زەیتوونانە لە ساڵی ٢٠١٩ لە تورکیا فرۆشراوە. بەڵگە بڵاوکراوەکانی نیشان دەدات کە تورکیا و گرووپە چەکدارەکانی ڕێکەوتننامەیەکیان سەبارەت بە دابەشکردنی سامانی عەفرین واژۆ کردبوو.

News Code 38437

نیشانەکان

بۆچوونی ئێوە

You are replying to: .
  • 6 + 5 =