یەکەم ناوەندی دەرمانی شێرپەنجە بە شێوەی یۆن دەرمانیی لە ئێران کرایەوە

سەرۆکی ڕێکخراوەی وزەی ئەتۆم وێڕای ئاماژە بەوەی کە یۆن دەرمانی پێشکەوتووترین شێوازی دەرمانی شێرپەنجەیە، وتی: ئێران یەکەمین وڵاتی ڕۆژاوای ئاسیایە کە توانیویە ئەم سەرکەوتنە بە دەست بێنێ.

بە پێی هەواڵی مێهر، عەلی ئەکبەر ساڵحی لەم بارەوە وتی: ئێمە بینەری کرانەوە و دامەزراندنی ناوەندی یۆن دەرمانی ئێران لە کەرەجین کە بۆ جیهازاتی ئەم ناوەندە ٢٠٠ ملیۆن یۆرۆ سەرمایە دانراوە و ئەمەش لە لایەن سەرمایە دانەرەوە دابین کراوە.

ئەو وێڕای ئاماژە بەوەی کە ئەمە حەوتەمین نەخۆشخانەی جیهانە کە بەم جیهازاتەوە ساز دەکرێت، وتی: ساز کردنی ئەم نەخۆشخانە هەزار ملیار تمەن تێچووی بووە و ژێربیناکەشی ٢٦ هەزار مەتری چوارگۆشە.

ناوبراو داکۆکی کرد: ئەم نەخۆشخانە بۆ تووشبوانی شێرپەنجە ساز کراوە و بەشێکی بەرچاوی جۆرەکانی شێرپەنجە لەم ناوەندە بە کەڵک وەرگرتن لە نوێترین شێوازەکان دەرمان دەکرێن.

ساڵحی ڕاشیگەیاند: یۆن دەرمانی پێشکەوتووترین شێوازی دەرمانی شێرپەنجە لە هەموو جیهانە و لە ئوتریشیش ئەم شێوازە دوو ساڵە دامەزراوە و ژمارەیەک هێزی پزیشکی و ئەندازیاری ئێرانی لە ئوتریش فێر دەکرێن بۆ ئەوەی بتوانن کاروباری نەخۆشخانەی کەرەج بەڕێوە ببەن.

News Code 38407

نیشانەکان

بۆچوونی ئێوە

You are replying to: .
  • 9 + 1 =