ئامارەكان ترسناكن و پێشبینی هەزاران توشبوی کۆڕۆنا لە هەرێم دەکرێت

وتەبێژی وەزارەتی تەندروستی حکومەتی هەرێمی کوردستان هۆشداری دەدات و رایدەگەیەنێت، ئامارەكان ترسناكن و پێشبینی هەزاران توشبوی دەکرێت لە رۆژانی لە داهاتوو.

بە پێی ڕاپۆرتی ئاژانسی هەواڵی مێهر، د ئاسۆ حەوێزی، وتەبێژی وەزارەتی تەندروستی لەراگەیەندراوێکدا کە ئەمشەو بڵاویکردەوە، رایگەیاندوە، "بەداخەوە رێژەی توشبون بە كۆرۆنا سێ هێندە زیادی كردوە لەم دواییە بە بەراورد لەگەڵ چەند هەفتەیەك بەر لە ئێستا، ئامارەكان ترسناکن و پێشبینی هەزاران توشبوی رۆژانە دەكرێ لە داهاتو، ئەوەی كە بەدی دەكرێ سستبونێكی تەواوە بە پابەندبون بە رێكارەكانی خۆپارێزی لە هەمو شوێنەكان".

ئاماژەی بەوەشکردوە، ئەگەر بەریەككەوتن كەم نەكرێتەوە ئەوا" "كارەسات بەڕێوەیە، ئێمەش بەدەرنین لە وڵاتانی دەورەبەر كە چۆن بەهۆی دۆخی كۆڕۆناوە دەناڵێنن".


وتەبێژی وەزارەتی تەندروستی باسی لەوەشکردوە، ئەنجومەنی وەزارەتی تەندروستی كۆبونەوەی ئەنجامداوەو پێشنیارەكانی داوەتە لایەنی پەیوەندیدار سەبارەت بەم دۆخە و گرنگترین رێكارەكان كە پێویستە بگیرێنەبەر لە رۆژانی داهاتو.

د. ئاسۆ حەوێزی لە راگەیەنراوەکەیدا بۆ هاوڵاتیان دەڵێت، "تكایە با لە رۆژانی داهاتو پابەندبین بە رێنماییەكان و ماسك ببەستین و قەرەباڵغی كەم بكەینەوە".

News Code 38264

نیشانەکان

بۆچوونی ئێوە

You are replying to: .
  • 5 + 0 =