بەرهەم ساڵح: پەیوەندییەکانی نێوان عێراق و سووربا پەرەدەسێنێت

به‌رهه‌م سه‌رۆك كۆماری عێراق له‌ په‌یوه‌ندیه‌كی ته‌له‌فۆنیدا له‌گه‌ڵ به‌شار ئه‌سه‌د سه‌رۆكی سوریا گفتوگۆیان له‌باره‌ی په‌یوه‌ندیه‌ دو قۆڵیه‌كانی نێوان هه‌ردو وڵات  و ئاڵنگاریه‌ هاوبه‌شه‌كان كرد.

بە پێی ڕاپۆرتی ئاژانسی هەواڵی مێهر، دكتۆر به‌رهه‌م ساڵح، سه‌رۆك كۆماری عێراق ، په‌یوه‌ندییه‌كی ته‌له‌فۆنی له‌گه‌ڵ به‌شار ئه‌سه‌د، سه‌رۆكی سوریا ئه‌نجامدا و تێیدا گفتوگۆكرا له‌باره‌ی په‌یوه‌ندییه‌ دوقۆڵییه‌كانی نێوان هه‌ردو وڵاتی دراوسێ، كه‌ په‌یوه‌ندیی مێژویی و جوگرافی و كۆمه‌ڵایه‌تی نزیكن، هه‌روه‌ها باس له‌ ئاڵنگارییه‌ هاوبه‌شه‌كان كرا، به‌تایبه‌تی شه‌ڕی دژ به‌ تیرۆر.

له‌ درێژه‌ی گفتوگۆ ته‌له‌فۆنییه‌كه‌دا، جه‌ختیكرایه‌وه‌ له‌گرنگی پته‌وكردنی په‌یوه‌ندییه‌كانی نێوان هه‌ردو وڵات و پێویستی ئه‌نجامدانی كاری پێكه‌وه‌یی له‌ به‌رامبه‌ر مه‌ترسییه‌ هاوبه‌شه‌كان، به‌تایبه‌تی تیرۆر و ریشه‌كێشكردنی پاشماوه‌كانی تیرۆر كه‌ ده‌یانه‌وێت سه‌قامگیری و ئاسایشی هه‌ردو وڵات و ناوچه‌كه‌ بشێوێنن.

هه‌ر له‌و په‌یوه‌ندیه‌ ته‌له‌فۆنیه‌دا جه‌خت له‌سه‌ر له‌ رێگه‌نه‌دان به‌ گروپه‌ تیرۆریستییه‌كان كرایه‌وه‌، تاوه‌كو بۆشاییه‌ ئه‌منییه‌كان بقۆزنه‌وه‌ بۆ ئه‌نجامدانی كاره‌ تاوانكارییه‌كانیان، چونكه‌ هه‌ردو گه‌لی عێراق و سوریا به‌ده‌ست تاوانه‌ قێزه‌ونه‌كانی تیرۆریستان ناڵاندویانه‌.

News Code 38214

نیشانەکان

بۆچوونی ئێوە

You are replying to: .
  • 7 + 7 =