نزیکەى 450 ڕۆژنامەوان‌و چالاکوان لە هەرێمی کوردستان دەستگیرکراون‌/ کوژرانی 11 خۆپیشاندەر

ئەندامێكی تیمی کوردستانی عێراقی CPT ئاشکرایدەکات؛ لەدوو ساڵی ڕابردوی کابینەی نۆیەمی حکومەتی ھەرێمدا 11 کەس لەخۆپیشاندانەكاندا شەھیدبوون‌ و نزیکەى 450 ڕۆژنامەوان‌و چالاکوان دەستگیرکراون‌.

بە پێی ڕاپۆرتی ئاژانسی هەوالی مێهر، ئەندامێكی تیمی کوردستانی عێراقی CPT ئاشکرایدەکات؛ لەدوو ساڵی ڕابردوی کابینەی نۆیەمی حکومەتی ھەرێمدا 11 کەس لەخۆپیشاندانەكاندا شەھیدبوون‌و نزیکەى 450 ڕۆژنامەوان‌و چالاکوان دەستگیرکراون‌و زیاتر لە55 ڕۆژنامەنوسیش ڕوبەڕوی دادگا کراونەتەوەو هەروەها، 20 ڕۆژنامەنوس‌و چالاكوان سزای زیندانیکردن دراون.

كامەران مەلا عوسمان ئەندامی تیمی کوردستانی عێراقی CPT لەفەیسبوكی خۆی هەڵسەنگاندنی بۆ دوو ساڵی ڕابردوی كابینەی نۆی حكومەتی هەرێم كردوە.

لەبارەی ئازادی ڕادەربڕینەوە ده‌ڵێت:"لەماوەی دوو ساڵی ڕابردوی کابینەی نۆیەمدا، 11 کەس بەھۆی خۆپیشاندان‌و دەربڕینی ناڕەزایەتییەوە شەھیدبوون، زیاتر لە 235 کەسی دیكه‌ش لەخۆپیشاندان‌و ناڕەزایەتییەکاندا برینداربون.

بەپێی ئامارەكانی ئەندامەكەی تیمی کوردستانی عێراقی CPT، لەو دوو ساڵەدا، نزیکە 450 ڕۆژنامەوان‌و چالاکوان دەستگیرکراون‌و زیاتر له‌55 ڕۆژنامەنوس ڕوبەڕوی دادگا کراونەتەوە، زیاتر لە20 ڕۆژنامەنوسیش لەڕێگەی دادگاوە سزادراون‌و بەشێکیان بەسزای قورسی شه‌ش ساڵ بۆ حه‌وت ساڵ زیندانیکردن سزادراون بەشێکیان داوای پێبژاردنی ملیۆنان دیناریان لێکراوە.

هەروەها ئه‌وه‌شى باسكردوه‌، زیاتر لە25 ڕۆژنامەوان‌و چالاکوان لەناوخۆی ھەرێمدا لەنێوان شارەکانی دھۆک‌و ھەولێرو سلێمانیدا ناچار بەجێھێشتنی شارەکانیان بوون‌و نزیکەی 20 ڕۆژنامەوان‌و چالاکوانیش ھەرێمی کوردستانیان بەرەو دەرەوەی وڵات بەجێھێشتووە.

News Code 38161

نیشانەکان

بۆچوونی ئێوە

You are replying to: .
  • 1 + 10 =