سەرکەوتنی ئیبراهیم رەئیسی مانشێتی سەرەکی میدیاکانی جیهان

سەرکەوتنی سەید ئیبراهیم رەئیسی لە هەڵبژاردنەکانی سەرۆک کۆماری ئێران بۆتە سەردێڕی هەواڵەکان لە هەموو جیهان.

بە پێی هەواڵی مێهر, ماڵپەری هەواڵدەری سی ئێن ئێن سەرکەوتنی ئیبراهیم ڕەییسی لە سەرووی هەواڵەکانی خۆی داناوە و نووسیویە: ژماردنی سەرەتایی دەنگەکان باسی سەرکەوتنی ناوبراو لە هەڵبژاردنەکانی سەرۆک کۆماری دەکەن.

ڕۆژنامەی فاینەنشاڵ تایمزیش هەواڵی سەرکەوتنی ئیبراهیم رەییسی وەکوو یەکەمین هەواڵ داناوە و نووسیویە: ئەو توانیویە بەو شێوەی کە ویستوویە دەنگی زۆربەی خەڵکی ئێران وەربگرێت.

هەواڵدەریی فەڕانسە: ئەو کەسانەی دەنگیان بە ڕەییسی داوە دەڵێن هۆکاری هەڵبژاردنی ناوبراو ئەوەیە بەڵێنی داوە لە گەڵ گەندەڵی ڕووبەڕوو بێتەوە و یارمەتی هەژاران بدات.

بەشی سپانیایی هەواڵدەریی ئاناتۆلی نووسیویە: ئیبراهیم رەییسی سەرۆک کۆماری هەڵبژێردراوی ئێران لە هەڵبژاردنەکانی سەرۆک کۆماری 1400، بەڵێنی بەرەنگاربوونەوە لە گەڵ گەندەڵی و چارەسەر کردنی کێشە ئابوورییەکانی داوە.

کەناڵی هەواڵدەریی فرانس 24 باسی سەرکەوتنی ئیبراهیم رەییسی لە سەرووی هەواڵەکانی خۆی داناوە و نووسیویە: ئیبراهیم رەییسی سەرکەوتووی هەڵبژاردنەکانی ئێرانە.

رۆژنامەی فەڕانسەوی لۆفیگارۆ نووسیویە: بنکەی هەڵبژاردنەکانی ئێران ڕایگەیاند ئیبراهیم رەییسی بە وەرگرتنی 62لەسەدی دەنگەکان لە هەڵبژاردنەکانی سەرۆک کۆماری ئێران سەرکەوت.

ڕۆژنامەی فەرانسەوی ئوئێست فرانسیش نووسیویە: ئیبراهیم رەییسی بە وەرگرتنی زۆرینەی دەنگەکان واتا 65لەسەد بوو بە سەرکەوتووی هەڵبژاردنەکانی سەرۆک کۆماری ئێران.

ڕۆژنامەی فەڕانسەوی لوپریزین ئاماژەی بۆ وەرگرتنی 65لەسەدی دەنگی ئیبراهیم رەییسی کرد و نووسیویە: رەییسی خۆی وەکوو قارەمانی بەرەنگاربوونەوە لە گەڵ گەندەڵی و پشتیوانی هەموو چینەکانی خەڵک ناساندووە و زۆربەی چالاکی خۆی لە دەزگای دادی ئەو ولاتە بەڕێوە بردووە.

رادیۆ فەڕانسەش ئاماژەی بۆ ئەم سەرکەوتنە کردووە و نووسیویە: ڕیکابەرەکانی ئەو و تەنانەت حەسەن رۆحانی سەرۆک کۆماری ئێران پێش ڕاگەیاندنی فەرمی ئەنجامی هەڵبژاردنەکان، پیرۆزباییان لە رەییسی کرد.

ژمارەیەکیتر لە میدیا فەڕانسەوییەکان لەوانە لۆمۆند، فرانس ئینفۆ تیڤی، گۆڤاری فەڕانسەوی لزاکۆ، ڕۆژنامەی لیبێراسیۆن و ... هەواڵی سەرکەوتنی ئیبراهیم رەییسی لە هەڵبژاردنەکانیان بڵاو کردەوە.

ماڵپەڕی بی بی سی ئینگلیزیش نووسی: ئیبراهیم ڕەییسی سێ ڕیکابەری خۆی شکست دا و وەکوو سەرۆک کۆماری نوێی ئێران هەڵبژێردرا.

News Code 37846

نیشانەکان

بۆچوونی ئێوە

You are replying to: .
  • 3 + 6 =