سوپای قودس، فەلەستینییەکانی لە باری هێزەوە سەربەخۆ کردووەتەوە

فەرماندەی گشتی سوپا بە وتنی ئەوەی کە سوپای قودس بەرانبەر دوژمن وەستاوەتەوە، وتی: هێزی قودس توانی لە لوبنان و فەلەستین هێزێکی بەتوانا ڕێکبخات و فەلەستینییەکان لە باری هێزەوە سەربەخۆ بکاتەوە.

بە ڕاپۆرتی ئاژانسی هەواڵی میهر، سەرلەشەکەر حسێن سەلامی فەرماندەی گشتی سوپای پاسداران لە گفتوگۆیەکدا بە وتنی ئەوەی کە ئەمریکییەکان ئەمڕۆ ناچارن کە لە ناوچەکە بکشێنەوە، وتی: ئەوان ئەمڕۆکە ناتوانن یارمەتیدەری ئیسرائیل بن و ئێوە شکستێک لە سیستەمی ئاسایشی ئیسرائیل دەبینن.

سەردار سەلامی وتی: ئەمڕۆکە ئەو وڵاتانەی کە پێشتر بەهێز بوون، ناچالاکن و سیاسەتی دەرەوەی بەهێزیان نییە.

فەرماندەی گشتی سوپا جەختی کرد: سووریا خەریکە بەرەو سەقامگیری دەڕوات و لە عێراق یەکپارچەیی دروست بووە و لە یەمەن بەرخۆدان خەریکە سەردەکەوێت و ئەوەی کە لە ئیسرائیل ڕوو دەدات نیشان لە پووچ بوونی ئاسایشی نەتەوەیی ئیسرائیلە.

News Code 37175

نیشانەکان

بۆچوونی ئێوە

You are replying to: .
  • 2 + 4 =