هاوکاری سه‌ربازی و هه‌واڵگری ئه‌مریکا و وڵاتانی ناوچه‌ دژی ئێران

ناوه‌ندی لێکۆڵینه‌وه‌ی برۆکینز پاگه‌نده‌ی کرد؛ ئه‌گه‌رچی ڕێککه‌وتنی ناڤۆکی به‌ پێچه‌وانه‌ی خواستی هاوپه‌یمانانی ئه‌مریکا له‌ ڕۆژهه‌ڵاتی ناڤینه‌، به‌ڵام توانی به‌ر به‌م ئه‌گه‌ره‌ بگرێت که‌ ئێران ده‌ستی به‌ چه‌کی ناڤۆکی بگات.

به‌ ڕاپۆرتی ئاژانسی مێهر له‌ ئاسۆشێتێد پرێس، ڕیچارد نفیۆ، ئه‌ندامانی پێشووی تیمی دانوستانکاری ئه‌مریکا له‌ ڕێککه‌وتنی ناڤۆکی له‌گه‌ڵ ئێران و ڕابرت ئاینهۆرن، ئه‌ندامی پێشووی وه‌زاره‌تی ده‌ره‌وی ئه‌مریکا له‌ لێکۆڵینه‌وه‌یه‌ک بۆ ناوه‌ندی برۆکینز له‌ به‌رجام به‌ خاڵی هاوبه‌شی جیهان ناو ده‌بات که‌ به‌ری به‌وه‌ گرتووه‌ ئێران ده‌ستی به‌ چه‌کی ناڤۆکی بگات.

له‌ وتاره‌دا دوو لێکۆڵه‌ری باڵای برۆکینز ده‌نووسن، ئه‌گه‌رچی ڕێککه‌وتنی ناڤۆکی به‌ پێچه‌وانه‌ی خواستی هاوپه‌یمانانی ئه‌مریکا له‌ ڕۆژهه‌لاتی ناڤیندا بووه، به‌ڵام ده‌توانێت به‌ر به‌م ئه‌گه‌ره‌ بگرێت که‌ ئێران ده‌ستی به‌ چه‌کی ناڤۆکی بگات.

نفیۆ له‌ وته‌یه‌ک که‌ له‌ ناوه‌ندی برۆکینز ئه‌نجامی دا، ئاماژه‌ی داوه‌ که‌ به‌رجام به‌ باشی به‌ری به‌ ئێران گرتووه. ئه‌و بڕوای وایه‌ که‌ به‌ر له‌ به‌رجام هێرشی سه‌ربازی بۆ سه‌ر ئێران ته‌نیا ئه‌گه‌ری به‌رده‌م ئه‌مریکا بوو، به‌ڵام ئێمه‌ توانیمان به‌ ڕێککه‌وتنی ناڤۆکی باڵانس بۆ ناوچه‌که‌ بگه‌ڕێنینه‌وه.

نفیۆ له‌ کۆبوونه‌وه‌ی ناوه‌ندی لێکۆڵینه‌وه‌ی بروکینز که‌ به‌ هۆی بابه‌تی ناڤۆکی ئێرانه‌وه‌ به‌ڕێوه‌ چوو، جارێکی دیکه‌ جه‌ختی کرد که‌ واشنتۆن ده‌بێت هاوکارییه‌ هه‌واڵگریی و سه‌ربازییه‌کانی خۆی له‌گه‌ڵ وڵاتانی ناوچه‌که‌ له‌ دژی ئێران به‌رز بکاته‌وه.

ڕابرت ئاینهۆرن له‌م کۆبوونه‌وه‌دا وتی: لێکۆڵینه‌وه‌کانی من و هاوکارم نفیۆ له‌ ناوه‌ندی برۆکینز نیشانی ده‌دات که‌ هیچ وڵاتێک له‌ ڕۆژهه‌ڵاتی ناڤین به‌ تایبه‌ت میسر له‌ دوای گه‌یشتن به‌ چه‌کی ناڤۆکی نین.

ئاینهۆرن و نفیۆ له‌ ڕاپۆرته‌که‌ی خۆیاندا بۆ ناوه‌ندی برۆکینز له‌سه‌ر ئه‌م بڕوایه‌ن که‌ عه‌ره‌بستان زیاترین خواستی هه‌یه‌ تاکوو ده‌ستی به‌ چه‌کی ناڤۆکی بگات، به‌ڵام له‌م دۆخه‌دا چی دیکه‌ توانی ئه‌نجام دانی ئه‌م کاره‌یان نییه.

ئاینهۆرن وتی: ئیمارات وڵاتی ئێران به‌ هه‌ڕه‌شه‌یه‌کی گه‌وره‌ بۆ سه‌ر خۆی ده‌زانێت، به‌ڵام ئه‌گه‌ری که‌مه‌ که‌ ئه‌م وڵاته‌ له‌ دوای گه‌یشتن به‌ چه‌کی ناڤۆکی بێت.

 

News Code 3675

نیشانەکان

بۆچوونی ئێوە

You are replying to: .
  • 5 + 0 =