پێویستمان بە هێزەکانی ئەمریکا نییە

سەرۆک وەزیرانی عێراق وتی: عێراق پێویستی بە هێزەکانی ئەمریکا نییە و ئامانجی گفتوگۆی ستراتیژی لە نێوان واشنتۆن و بەغداش پێداچوونەوە لە پێوەندییەکانی دوولایەنە.

بە ڕاپۆرتی ئاژانسی هەواڵی مێهر، مستەفا کازمی سەرۆک وەزیرانی عێراق لە گفتوگۆیەکدا لەگەڵ ڕۆژنامەی ئەلشەرقولئەوسەتی عەرەبستانی سعوودی، جەختی کرد کە عێراق پێویستی بە هێزەکانی ئەمریکا نییە و ئامانجی گفتوگۆی ستراتیژیک لە نێوان واشنتۆن و بەغداش پێداچوونەوە لە پێوەندییەکانی دوو وڵاتەکەیە.

سەرۆک وەزیرانی عێڕاق بە وتنی ئەو بابەتە وتیشی: عێراق ئەزموونی شەڕ لەگەڵ داعشی تێپەڕاندووە و چی دیکە پێویستی بە هێزەکانی ئەمریکا نییە.

لەلایەکی ترەوە بەدر زیادی ئەندامی کۆمیسیۆنی ئاسایش و بەرگری لە پەرلەمانی عێراق گرینگترین پێوەرەکانی گفتوگۆی ستراتیژی نێوان عێراق و ئەمریکای دەرخست.

ناوبراو وتی: خولی نوێی گفتوگۆ ستراتیژیەکانی نێوان بەغدا و واشنتۆن کە حەوتەمی ئاپ دەست پێدەکاتەوە، بریتی دەبێت لە بابەتی ئابووری، سیاسی و ئەمنیەتی.

بەدر زیادی وتیشی: لە ئەو گفتوگۆیانەدا ئەبێ خاڵە سەرەکییەکان بسەلمێندرێت تا بتوانرێت لێی کەڵکوەربگیردرێت و ڕواڵەتی نەبێت. کەواتە ئەبێ تێیدا بنەمایەک لە پێوەندییەکان لەگەڵ عێراق هەبێت چونکوو پێویست بە زۆر شت هەیە و ئەبێ لە پێوەندیی دیپلۆماتیک کەڵکی لێوەربگیردرێت.

News Code 36639

نیشانەکان

بۆچوونی ئێوە

You are replying to: .
  • 3 + 6 =