گرژی لە کۆبوونەوەی پەرلەمانی هەرێمی کوردستان دروست بوو

لەسەر ناوهێنانی مام جەلال تاڵەبانی، سەرۆک کۆماری پێشوی عێراق لەلایەن شیرین ئەمین، ئەندامی فراکسیۆنی گۆڕان، گرژیی لەکۆبونەوەکەی ئەمڕۆی پەرلەماندا دروستبو.

بە پێی ڕاپۆرتی ئاژانسی هەواڵی مێهر, لەسەر ناوهێنانی مام جەلال تاڵەبانی، سەرۆک کۆماری پێشوی عێراق لەلایەن شیرین ئەمین، ئەندامی فراکسیۆنی گۆڕان لەپەرلەمانی کوردستان و تۆمەتبارکردنی بە ئازادکردن ئەو فڕۆکەوانەی کیمیابارانی هەڵەبجەی کردوە، گرژیی لەکۆبونەوەکەی ئەمڕۆی پەرلەماندا دروستبوو.

لە کۆبوونەوەی ئەمڕۆی پەرلەماندا کە تایبەت بو بە کێشەکانی پارێزگای هەڵەبجە، شیرین ئەمین، ئەندامی فراکسیۆنی گۆڕان لەپەرلەمانی کوردستان وتی، "ئەو فڕۆکەوانەی کیمیابارانی هەڵەبجەی کردوە لەلایەن جەلال تاڵەبانییەوە ئازادکراوە". 

شەمۆڵ ئاشتی، ئەندامی فراکسیۆنی یەکێتی لە پەرلەمانی کوردستان بە خەندان-ی راگەیاند:  لەسەر وتەی ئەو پەرلەمانتارە فراکسیۆنی یەکێتی ناڕەزایی دەربڕیوە و بەوهۆیەوە کۆبونەوەی پەرلەمان بۆ ماوەیەک راگیراوە، چونکە فراکسیۆنی یەکێتی داوایکرد ئەو پەرلەمانتارە لەکۆبونەوەکە "بکرێتەدەرەوە".

ئاماژەی بەوەشکردووە کە "بەلای ئێمەوە مام جەلال هێڵی سورە، چونکە لەنەبونی ئەودا دەبینین چ بۆشاییەکی سیاسی لە عێراق و هەرێمی کوردستاندا دروستبوە".

ئەندامەکەی فراکسیۆنی یەکێتی ئەوەشی خستەڕو، دوای دروستبونی گرژییەکانیش داوایانکرد شیرین ئەمین، ئەندامی فراکسیۆنی گۆڕان  "لەکۆبونەوەکە بکرێتە دەرەوە و لەئێستادا بەبێ ئامادەبوونی ئەو پەرلەمانتارە کۆبونەوەکە بەردەوامی هەیە".

ئەمڕۆ سێشەممە لە ساڵیادی کیمیابارانی هەڵەبجەدا پەرلەمانی کوردستان کۆبوەوە و پرسی كێشەو گرفتەكانی پارێزگای هەڵەبجە تاوتوێ دەکات، لەکۆبونەوەکەدا ژمارەیەک وەزیری حکومەتی هەرێمی کوردستان ئامادەبوون.

News Code 36440

نیشانەکان

بۆچوونی ئێوە

You are replying to: .
  • 8 + 0 =