52 بەندکراو لە کامیاران ئازاد کران

سەرۆکی دەزگای دادی کوردستان وتی: دەیەی فەجر کاتی ڕزگاری و ئازادی میلەتی ئێرانە کە بە ڕێبەرایەتی کەسێکی مەزن لە دەستی زوڵمی داگیرکەرانی جیهان و حکوومەتی شاهانە ڕزگاریان بوو.

بە پێی هەواڵی مێهر، حوجەتولئیسلام سەید حەسەن حسەینی وتی: پاش لێکدانەوەی دۆسیەی بەندکراوان، 52 کەس لە بەندکراوان شیاوی ڕزگاری ناسێندران و دەگەڕێنەوە بۆ ناو بنەماڵەکانیان.

ئەو بە بەندکراوە ڕزگاربووەکانی وت: ئێوە دەبێ بایەخی ئەم ڕزگاربوونە بزانن و بە سەربەرزییەوە بگەڕێنەوە ناو کۆمەڵگا.

حوجەتولئیسلام حسەینی لە درێژەشدا ڕیگەیاند: لە 10 مانگی سەرەتای ئەمساڵ 23 هەزار و 703 دۆسیە بۆ دادگا و شۆرای چارەسەر کردنی کێشەکان نێردراوە کە 24 هەزار و 311 ژمارەیان کۆتایی پێ هاتووە و حوکمیان لە سەر دراوە.

سەرۆکی دەزگای دادی کوردستان لە درێژەی سەردانی ناوەندی فێرکاری و کاردەرمانی کامیاران مەبەست لەم سەردانەی، جێبەجێ کردنی سیاسەتی کەم کردنەوەی بەندکران و هەروەها لێکدانەوەی دۆسیەی بەندکراوان ڕاگەیاند.

لە درێژەشدا لە بەشە جۆربەجۆرەکانی بەندیخانەی کامیاران چاوپێکەوتنی کرد و لە نزیکەوە کێشەکان و خواستەکانی ئەوانی بیست.

News Code 35871

نیشانەکان

بۆچوونی ئێوە

You are replying to: .
  • captcha