هەرێمی کوردستان نیوەی داهاتی نانەوتی و 250 هەزار بەرمیل نەوت دەداتە بەغدا

سەرۆکی فراکسیۆنی پارتی دیمۆکرات لە پەرلەمانی عێراق بەشە بودجەی هەرێمی کوردستان لە بودجەی عێراقی فیدراڵی ڕاگەیاند و وتی: هەرێمی کوردستان ڕۆژانە 250 هەزار بەرمیل نەوت ڕادەستی بەغدا دەکات.

بە ڕاپۆرتی ئاژانسی هەواڵی مێهر لە بەغدا یەوم، ڤیان سەبری لەو بارەوە وتی: هەرێمی کوردستان لە بەرانبەردا 12 لەسەد  بودجەی عێراقی فیدراڵ، ڕۆژانە 250 هەزار بەرمیل نەوت و نیوەی داهاتە سنوورییەکانی ڕادەستی بەغدا دەکات.

سەمیر هەورامی وتەبێژی قوباد تەڵەبانی جێگری سەرۆک وەزیرانی هەرێمی کوردستان کە لە سەرووی شاندی دانوستناکاری هەرێم لە بەغدایە، لەو بارەوە وتی: شاندی هەرێمی کوردستان ، هەموو ڕاپۆرتەکانی پێشکەشی دەولەتی ناوەندی کردووە و لە کۆبوونەوەی ئەمڕۆ لەگەڵ کۆمیسیۆنی دارایی پەرلەمانی عێراق وەلامی هەموو پرسیارەکانی داوەتەوە.

ناوبراو ڕاشیگەیان: هەروەها بڕیارە شاندی دانوستانکاری هەرێم، کۆبوونەوەیەکی دیکەی هەبێت و چاوەڕوانی دەکرێت بەشی هەرێمی کوردستان، لە بودجە یەکلایی ببێتەوە. دوای ئەوە لەگەڵ فراکسیۆنە سیاسییە جیاوازەکان دانوستان دەکرێت.

News Code 35765

نیشانەکان

بۆچوونی ئێوە

You are replying to: .
  • 3 + 15 =