دیداری کەڵانتەرە سنوورییەکانی قەسرشیرین و سلێمانی

فەرماندەی هێزی سنووریی قەسرشیرین بە مەبەستی گەشەدانی پێوەندی و هاوکاری سنووری لە گەڵ هاوتای عێراقی خۆی لە ترمیناڵی سنووری خەسرەوی ئێران دیداریان کرد.

بە پێی هەواڵی مێهر بە گوێرەی ماڵپەڕی ڕاگەیاندنی فەرماندەیی سنووروانی پارێزگای کرماشان؛ سەرهەنگ جەهانگیر قادری، کەڵانتەری سنووریی کۆماری ئیسلامی ئێران لە ناوچەی سنووری قەسرشیرین و سەرتیپ بەکر شاکر مەحموود کەڵانتەری سنووریی کۆماری عێراق لە سلیمانی بە مەبەستی گەشەدانی هاوکاری و پێوەندی سنووری نێوان دوو وڵات، پێکەوە دیداریان کرد.

سەرهەنگ قادری ویڕای داکۆکی لە سەر هاوکاری زۆرتری هەردوو لایەن و چارەسەر کردنی کێشە سنوورییەکان، وتی: ئەم چاوپێکەوتنە بە مەبەستی هاوکاری بۆ دابین کردنی ئاسایشی سنووری، بەرەنگار بوونەوە لە گەڵ قاچاخی کەلوپەل، چەک و کحول، ئاژەڵ و هەروەها ئاسایشی کامیۆنەکانی گواستنەوەی سووتەمەنی ئێرانی لە خاکی عێراق ساز کراوە کە ئاکامی باشی بۆ هەردوو وڵاتەکە بەدواوە دەبێت.

ئەو هەروەها سەبارەت بە بەرەنگاری لە گەڵ داگیرکەران و چالاکی گرووپە تێرۆریستییەکان وەک داعش، پژاک و دیکەی دوژمنان داوای لە سنووروانی عێراق کرد چاودێرییەکانی زیاتر بکاتەوە و وتیشی: ئێران و عێراق بۆ دژایەتی لە گەڵ تیرۆریزم و دابین کردنی ئاسایشی سنووری، لە یەک هێڵ دان و دەبێ هاوکارییاکانیان زیاتر بکەنەوە.

سەرتیپ بەکر شاکر مەحموود، کەڵانتەری سنووریی دەوڵەتی عێراق لە ناوچەی خانەقین و مەندەلیش داکۆکی کردە سەر پتەو کردنەەوی پێوەندییەکان و چارەسەر کردنی هەموو کێشەکان.

 

News Code 35569

نیشانەکان

بۆچوونی ئێوە

You are replying to: .
  • 9 + 2 =