ئۆپراسیۆنێکی نوێ لە کوردستانی تورکیا لە دژی هێزەکانی پەکەکە دەستی پێکرد

وەزارەتی ناوخۆی تورکیا ڕایگەیاند ئۆپراسیۆنێکی نوێ لە ناوچە کوردنشینەکانی ئەو وڵاتە بۆ کۆتایی هێنان بە هێزەکانی پەکەکە لە خاکی تورکیا دەستی پێکردووە.

بە ڕاپۆرتی ئاژانسی هەواڵی مێهر، وەزارەتی ناوخۆی تورکیا ڕایگەیاند ئۆپراسیۆنێکی نوێی سەربازی لە ناوچە کوردنشینەکانی ئەو وڵاتە بۆ بەرەنگار بوونەوەی هێزەکانی پارتی کرێکارانی کوردستان دەستی پێکردووە.

بە پێی ڕاپۆرتی مێدیا دەوڵەتییەکانی تورکیا، لە بەیاننامەکەی وەزارەتی ناوخۆی تورکیا ئامانج لە ئۆپراسیۆنی بەربڵاوی "ئارن" کۆتایی هێنان بە هەبوونی هێزەکانی پەکەکە لە خاکی تورکیا ڕاگەیێندراوە.

ناوی ئەو ئۆپراسیۆنە لە ناوی ئارێن بلبل تازەلاوی 15ساڵانێکەوە گیراوە کە لە ساڵی 2017 کوژرا و دەوڵەتی تورکیا پەکەکەی بە کوشتنی ئەو کەسە تۆمەتبار کردووە.

بە گشتی هەزار و 71 سەرباز لە چوارچێوەی 71 گرووپی ئۆپراسیۆنی لە فەرماندەیی جەندەرمە، هێزەکانی ئۆپراسیۆنی تایبەتی جەندەرمە، هێزەکانی ئۆپراسیۆنی تایبەتی پۆلی سو ڕنجرەکان لە ئەو ئۆپراسیۆنە بەشدارن.

ئۆپراسیۆنی ئارێن لە ناوچەی تەندوورەک هەڵکەوتوو لە دوو پارێزگای ئاگری و وان دەستی پێکردووە.

News Code 35561

نیشانەکان

بۆچوونی ئێوە

You are replying to: .
  • 1 + 17 =