خۆشحاڵین ترامپ ڕۆیی/ پێکوتەی کۆرۆنا دەکڕین

سەرۆک کۆماری ئێران وتی: خۆشحاڵین لەوەی کە ترامپ واتا کەسێک کە ڕێگری دەکرد لە دابینی پێکوتەی کۆرۆنا، ڕۆیی.

بە ڕاپۆرتی ئاژانسی هەواڵی مێهر، حەسەن ڕۆحانی ڕۆژی چوارشەممە لە کۆبوونەوەی کابینەی دەوڵەت وتی:هیچ پێکوتەیەک بۆ کۆرۆنا لەلایەن ڕێکخراوی تەندروستی جیهانییەوە نەناسێندراوە و بەڵام ئێمە بە دوای کڕینی ڤاکسینین تا هاووڵاتیان بتوانن لە مانگەکانی داهاتوو لە ئەو پێکوتەیە بەهرەمەند بن.

حەسەن ڕۆحانی ڕایگەیاند ئەمڕۆ ٢٧ ی سەرماوەزە کە وەکوو ڕۆژی جیهانی بێ توندوتیژی و توندڕەوی ناودێر کراوە کە ئەویش من وەکوو سەرۆک کۆماری ئێران پێشنیارم کرد و لە کۆبوونەوەی گشتی نەتەوەیەکگرتووەکان پەسەند کرا.

ناوبراو بە وتنی ئەوەی کە ئێران تەنای بە قسە دژی توندوتیژی و توندڕەوی نییە، زیادی کرد: لە کردەوەشدا هەموو هەوڵی خۆمان بۆ ڕێگری لە توندڕەوی و توندوتیژی لە ناوچەکە خستووەتە گەڕ.

سەرۆک کۆمار لە درێژەی قسەکانیدا بە وتنی ئەوەی کە هەموو جیهان بەرخۆدان و وەستانی گەلی ئێرانیان بینی، وتی:گەرچی ئێمە لە سەر پێی خۆمان وەستاوین بەڵام لە هەمان کاتدا ئەگەر وڵاتانی بەشدار لە ڕێککەوتنی ناڤۆکی بگەڕێنەوە سەر بەڵێنەکانی خۆیان ئێمەش دەگەڕینەوە سەر بەڵێنەکانمان.

ڕۆحانی باسی کرد : ئێمە لە هاتنی جۆبایدن زۆر خۆشحاڵ و گەشبین نین بەڵام لە ڕۆشتنی ترامپ وەکوو کەسێک کە ڕێگری دەکرد لە دابین کردنی ڤاکسینی کۆرۆنا، خۆشحاڵین چونکوو ئەو بە هیچ بنەمایەکی ئەخلاقی و مرۆیی پێبەند نەبوو.

News Code 35229

نیشانەکان

بۆچوونی ئێوە

You are replying to: .
  • 9 + 6 =