بەرهەم ساڵح: تیرۆری زانای ناڤۆکی ئێران ئیدانە دەکەین

سەرۆک کۆماری عێراق سەرەڕایی ئیدانەکردنی تیرۆری زانا ئەتۆمییەکەی ئێران داواش دەکات هەموان کار لەسەر پاراستنی ئاسایش و ئارامی ناوچەکە بکەن.

بە پێی ڕاپۆرتی ئاژانسی هەواڵی مێهر، سەرۆک کۆماری عێراق و باڵیۆزی ئێران لەبەغداد لە  کۆبونەوەیەکدا پرسی پەیوەندییەکانی بەغداد-تاران و هەماهەنگی لەو بوارانەدا کە لەخزمەتی گەلانی هەردولادایە تاوتوێ کرد.

راگەیاندنی سەرۆکایەتی کۆماری عێراق بڵاویکردەوە، ئەمڕۆ چوارشەممە سەرۆک بەرهەم ساڵح لەکۆشکی سەلام پێشوازی ئیرەج مەسجدی،  باڵیۆزی ئێران لە عێراق کردووە و پرسی پەیوەندییەکانی بەغداد-تاران و چۆنییەتی بەرەوپێشبردنی ئەو پەیوەندیانە و فراوانکردنیان لەسەرجەم بوارەکاندا تاوتوێ کراون.
سەرۆک بەرهەم لەو دیدارەدا رایگەیاند، ئیدانەی تیرۆری موحسین فەخریزادە زانای دیاری ئێران دەکەن و "بەپێویستی دەزانن هەموان کاربکەن بۆ رێگریکردن لە دروستبونی گرژی و پاراستنی ئاسایش و ئارامی ناوچەکە".

ئاماژەی بەوەشکردووە، عێراق هەموو جۆرە کردەوەیەکی توندوتیژی رەتدەکاتەوە و پشتیوانی لە هێنانەکایەی ئاشتی و پاراستنی ئاسایشی وڵاتانی ناوچەکە دەکات.

لای خۆیەوە باڵیۆزی ئێران لە عێراق باسی لەوەکرد، وڵاتەکەی پشتیوانی لەئاسایش و ئارامی عێراق دەکات و هەروەها جەخت لەپەرەپێدانی پەیوەندییە ئابووری و کۆمەڵایەتییەکانی نێوان هەردولا گەلی دۆست و دراوسێ دەکاتەوە.

News Code 35025

نیشانەکان

بۆچوونی ئێوە

You are replying to: .
  • 1 + 1 =