هێرشی داعش بۆ سەر بەغدا/ 11 کەس کوژران

چەکدارانی داعش هێرشیان کردووەتە سەر هێزەکانی "سەحوە" و سوپای عێراق لە ناوچەی رزوانیە لە رۆژئاوای بەغدای پایتەخت و بەهۆیەوە 5 ئەندامی هێزە ئەمنییەکان و 6 هاوڵاتی مەدەنی کوژراون.

بە پێی ڕاپۆرتی ئاژانسی هەواڵی مێهر، هێرشەکەی شەوی رابردو لەرێگەی بۆمبی دەستی و چەکدارییەوە گردبوونەوەیەکی هاووڵاتیانی بۆ پشتیوانی هێزە ئەمنییەکان و تاوەرێکی سەر بە سوپای عێراقی لە ناوچەی رزوانیە لە رۆژئاوای بەغدای پایتەخت کردوەتە ئامانج.

ئاماژەی بەوەشکردووە، هێرشەکە لەلایەن چەکدارانی داعشەوە ئەنجامدراوە و نازانرێت سەرچاوەی هێرشەکە و شوێنەکەی لەکوێوە بووە، بەڵام هێزە ئەمنییەکان گەیشتونەتە شوێنەکە و دۆخی ئەمنی ناوچەکە لەئێستادا کۆنتڕۆڵکراوە.

لەرووداوێکی هاوشێوەدا دوێنێش چەکدارانی نەناسراوە هێرشیانکردەسەر تاوەرێکی چاودێری سوپای عێراق و هێزەکانی سەحوە لە ناوچەی رزوانیە لە رۆژئاوای بەغدا.

News Code 34751

نیشانەکان

بۆچوونی ئێوە

You are replying to: .
  • captcha