پەکەکە شەڕمان پێدەفرۆشێت/ پاشهاتەکان مەترسیدارە

سەرۆکایەتی هەرێمی کوردستان ڕایگەیاند کە ئەم شەڕپێفرۆشتن و بارگرژییە له‌لایه‌ن په‌كه‌كه‌وه‌، دۆخی هه‌رێمی کوردستان دووچاری نەهامەتیی زیاتر دەکاته‌وه.

بە پێی ڕاپۆرتی ئاژانسی هەواڵی مێهر، سەرۆکایەتی هەرێمی کوردستان ڕاگه‌یه‌نراوێكی سه‌باره‌ت به‌ رووداوه‌كه‌ی چەمانکێ بڵاوكرده‌وه.

‌ ئاماژەی داوە ؛ لە کاتێکدا گەلی کوردستان گیرۆدەی چه‌ندین قەیران و کێشەیه‌، "ئەم شەڕپێفرۆشتن و بارگرژییە له‌لایه‌ن په‌كه‌كه‌وه‌، دۆخی هه‌رێمی کوردستان و گەلەکەمان دووچاری نەهامەتیی زیاتر دەکاته‌وه‌ و كه‌س تیایدا براوه‌ نییه"‌.

باسی له‌وه‌ش كردووه‌: هێرشی ئەمڕۆی پەکەکە لە قووڵاییی خاکی هەرێمی کوردستاندا و لە ناحیەی چەمانکێ له‌ سنووری پارێزگای دهۆک پێشهاتێكى مه‌ترسیداره‌ و به‌ توندى سه‌ركۆنه‌ى ده‌كه‌ین. ئه‌م هێرشه‌ هیچ پاساوێک هەڵناگرێت و هێرشە بۆ سەر ژیان و ئارامیی خەڵک و خاکی کوردستان.

سەرۆکایەتی هەرێمی کوردستان ئەوەشی وتووە کە ‌ پێویستە په‌كه‌كه‌ ڕێز لە قه‌واره‌ى ده‌ستووریى هەرێمى كوردستان و حکوومەت و دامەزراوە شەرعییەکانی بگرێت و شەڕ و گێچەڵ لە کوردستان دوور بخاته‌وه‌.

News Code 34701

نیشانەکان

بۆچوونی ئێوە

You are replying to: .
  • captcha