داخوازیی گرینگی مەسرور بارزانی لە مستەفا کازمی

سەرۆکی حکوومەتی هەرێمی کوردستان داخوازییەکی لە مستەفا کازمی سەرۆک وەزیرانی عێراق کرد.

بە پێی هەواڵی مێهر, مەسرور بارزانی، سەرۆکی حکومەتی هەرێمی کوردستان رایگه‌یاند: داوام له‌ مسته‌فا کازمی کرد کە دەزگا پەیوەندیدارەکان، دەستبەجێ لێکۆڵینەوە بکەن و ڕێوشوێنی یاسایی، بەرامبەر ئەنجامدەرانی سوتاندنی باره‌گای پارتی له‌ به‌غدا بگرنه‌به‌ر.

مەسرور بارزانی له‌ په‌یامێکدا رایگه‌یاند: "بێ ڕێزیکردن بەرامبەر پیرۆزترین سیمبولی کوردستان و سوتاندنی و هەڵکوتانە سەر بارەگای حیزبێک، کە زۆرترین قوربانی لە پێناو ڕووخانی رژێمی دیکتاتۆری لە عێراق و دابینکردنی مافە ڕەواکانی گەلی کوردستان داوە، هێرشێکی ئاشکرایە بۆ سەر بەهاکانی دیموکراسی و بەیەکەوەژیانی ئاشتیانە و ئاشتی کۆمەڵایەتی لە عێراقی فیدراڵدا."

سه‌رۆکی حکومه‌ت ده‌شڵێت: "لە پەیوەندییەکی تەلەفۆنیدا لەگەڵ سەرۆک وەزیران بەڕێز مستەفا کازمی ، گفتوگۆمان دەربارەی ئەم پەلامارە کرد و داواملێکرد کە دەزگا پەیوەندیدارەکان، دەستبەجێ لێکۆڵینەوە بکەن و ڕێوشوێنی یاساییش، بەرامبەر ئەنجامدەرانی ئەم تاوانە بگرنەبەر. "

News Code 34466

نیشانەکان

بۆچوونی ئێوە

You are replying to: .
  • 7 + 0 =