کێ بەڕێوەبەری ئاسایشی گومرگی سەرزێڕێ کوشتووە

غازی ساڵح، بەڕێوەبەری ئاسایشی گومرگی سەرزێڕێ کوژرا، ئەنجومەنی ئاسایشی هەرێمی کوردستان دەڵێت:"بە دەستی رەشی تیرۆریستان شەهید کراوە.

بە پێی ڕاپۆرتی ئاژانسی هەواڵی مێهر،  لە راگەیێندراوەکەی ئەنجوومەنی ئاسایشی هەرێمی کوردستاندا هاتووە، ئەو "تاوانە ترسنۆکانەیە" بە توندترین شێوە سەرکۆنە دەکەن و "بە دڵنیاییەوە تاوانباران باجی ئەم تاوانەی خۆیان دەدەن". 

رووداوی تەقەکردن لە بەڕێوەبەری ئاسایشی گومرگی سەرزێڕێ لە گوندی گەلیکێ ـی سەر بە شارۆچکەی کانی ماسێ کە بە بیگدادا ناسراوە، روویداوە، ماڵی ئەو بەرپرسەش لە ئەو گوندەیە. بە گوتەی مووسا کێستەیی، کارگێڕی لقی 18ـی پارتی لە ئامێدی، غازی ساڵح، لەکاتی پشوودا بووە. 

جەمیل برای غازی ساڵح لە گفتوگۆ لەگەڵ ڕووداو وتی: "کێشەی لەگەڵ هیچ کەسدا نەبووە، تەنیا ئەوە نەبێت، پەکەکە هەموو رۆژێک هەڕەشەیان لێ دەکرد.. بێ شک پەکەکە بووە".

News Code 34364

نیشانەکان

بۆچوونی ئێوە

You are replying to: .
  • 4 + 8 =