بە ڕاپۆرتی ئاژانسی هەواڵی مێهر، مایک پەمپێئۆ وەزیری دەرەوەی ئەمریکا لە یادداشتێکدا کە لە ڕۆژنامەی لۆفیگارۆ چاپی پاریس بڵاو بووەوە، نووسی: ڕۆژی ٢٠ ی ئووت من لە ئیختیاری ئەمریکا بۆ گەڕاندنەوەی سەرجەم گەمارۆکان دژی ئێران کە بە هۆی بڕیارنامەی ٢٢٣١ هەڵپەسێردرابوون، کەڵک وەرگرت.
لە درێژەی ئەو یادداشتە هاتووە: زیندوو کردنەوەی ئەو گەمارۆیانە هەرگیز ڕێگای یەکەمی ئەمریکا نەبووە، بەڵام ئەو گەمارۆیانە بەزوویی دەگەڕێنەوە، سەرجەم وڵاتەکانیش دەبێ بەڕێوە ببەن. کارێک جگە لە ئەوە، دەسەڵات و هێزی ئەنجومەنی ئاسایش لاواز دەکاتەوە و دەتوانێت بەڕێوە بردنی دڵخوازی بڕیارنامەکانی ئەنجومەنی ئاسایش بکاتە کارێکی ئاسایی.
پەمپێئۆ بە پاگەندەی ئەوەی کە ڕێککەوتنی ناڤۆکی نەبووە هۆی گۆڕان لە هەڵسوکەوتی ئێران لە ناوچەکە، وتی: سەرۆک کۆمار ترامپ دەزانێت کە تەنیا زیاترین گوشار و نەک سازش دەتوانێت ببێتە هۆی گۆڕینی هەڵسوکەوت. هەر بۆیە ئەمریکا گەمارۆی ئابووری بێ وێنەیەکی دژی ئەو وڵاتە سەپاندووە.
بۆچوونی ئێوە