مەسعوود بارزانی و مستەفا کازمی کۆبوونەوە

مستەفا کازمی دوای گەیشتنی بۆ بەغدا لەگەڵ مەسعوود بارزانی سەرۆکی پارتی دیمۆکرات کۆبووەوە.

بە ڕاپۆرتی ئاژانسی هەواڵی مێهر، مستەفا کازمی پێشنیوەڕۆی ئەمڕۆ دوای گەیشتنی بۆ هەولێری پایتەختی هەرێمی کوردستان و پێشوازی کردنی لەلایەن سەرۆک وەزیرانی هەرێم و ژمارەیەک بەرپرسی باڵای دیکە، سەردانی مەسعوود بارزانی سەرۆکی پارتی دیموکراتی کوردستانی کرد.

سەرچاوەیەکی نزیک لە سەرۆکی پارتی دیموکراتی کوردستان ڕاگەیاند، مەسعوود بارزانی و مستەفا کازمی چەندین پرسی ئابووری و سیاسی نێوان هەرێم و بەغدا تاوتوێ دەکەن.

سەرچاوەکە راشیگەیاند، پاش بینینی بارزانی، کازمی جارێکی دیکە چاوی بە سەرۆکی حکومەت دەکەوێت و دواتر سەردانی پارێزگای دهۆک دەکات.

سەرلەبەیانی ئەمڕۆ پێنجشەممە مستەفا کازمی سەرۆک وەزیرانی عێراق بە هاوڕێی وەزیرانی دەرەوە ، بەرگری ، نەوت ، کۆچ و کۆچبەران و چەندین بەرپرسی دیکەی حکوومەتی فیدراڵی، بە فڕۆکەیەکی تایبەت گەیشتە فڕۆکەخانەی نێودەوڵەتی هەولێر و لەلایەن مەسروور بارزانی سەرۆک وەزیرانی حکوومەتی هەرێمی کوردستان، جێگری سەرۆک وەزیران و ژمارەیەک بەرپرسی باڵای دیکەی هەرێم لەنێویاندا هەردوو جێگری سەرۆکی هەرێم پێشوازی لێکرا.

News Code 34012

نیشانەکان

بۆچوونی ئێوە

You are replying to: .
  • 4 + 0 =