بەرتیلی یەکێتی ئەورووپا بە تورکیا بۆ ڕێگەدانێک بە کورد

ئەنجومەنی پەیوەندییە دەرەکییەکانی ئەورووپا پێشنیاری کرد کە لە بری یارمەتی ماڵی بە تورکیا ڕازی بە بەشداریی نوێنەرانی کورد لە دانوستانەکانی ئاشتی سووریا بێت.

بە ڕاپۆرتی ئاژانسی هەواڵی مێهر، ئەنجومەنی پەیوەندییە دەرەکییەکانی ئەورووپا لە ڕاپۆرتێکی تایبەتی سەبارەت بە سیاسەتی دەرەوەی تورکیا لە سووریا و لە پێناو ئاسایی کردنەوەی هەلومەرجی باکووری سووریا، چارەسەریی کێشەکانی باکووری سووریای بۆ دامرکانی ستراتژیی شەڕی نێوان تورکیا و کوردەکان بە تایبەت هێزەکانی پەکەکە گەڕاندەوە.

بە گوێرەی ئەو ڕاپۆرتە بەشێکی زۆری کێشەی دەستێوەردانی تورکیا لە سووریا بۆ ناوچەی کوردنشینی عەفرین دەگەڕێتەوە و تا کاتێک تورکیا ڕەوتی ئاشتیی لە گەڵ کوردەکان دەست پێ نەکاتەوە، بەشێکی زۆری هێز و وزەی دەبێ تەرخانی شەڕ و تێهەڵچوون لە گەڵ کوردەکانی عەفرین بکات. بە تایبەت کە عەفرین پاش هێرشی ساڵی ٢٠١٨ی تورکیا زۆر ڕووی لە هێزی چەکداری کردووە.

ئەو توێژینگەیە بە ئاماژە بە کێشەکانی تورکیا لە سووریا و لەوان تێچووی زۆر ئۆپەراسیۆنە سەربازییەکان، هاوکێشەی هێز لە گەڵ ڕووسیا، بوونی ملیشیای ڕادیکاڵ لە ناوچەگەلی ژێر کۆنتڕۆڵی تورکیا و نەبوونی پەیوەندییەکی لۆژیکی لە نێوان تورکیا و کوردەکانی سووریا، خوازیاری یارمەتیی وڵاتانی ئەورووپی بە تورکیا بۆ سەقامگیریی ناوچەی ئەمن لە باکووری سووریا بە تایبەت لە رۆژهەڵاتی ڕووباری فورات بوو و پێشنیاری کرد کە لە بەرامبەر یارمەتی ماڵی ئەورووپا بە تورکیا بۆ ساماندانی ناوچەی ئەمن لە باکووری سووریا، رێگە بە ئاڵوگۆڕی و مامەڵەی نێوان ناوچە کوردنشینەکانی سووریا بە تایبەت لە گەڵ ناوچە کوردنشینەکانی ژێر کۆنتڕۆڵی تورکیا بدا و ڕازی بە بەشداریی نوێنەرانی کورد لە دانوستانەکانی ئاشتی سووریا بێت.

ئەو ناوەندەی سەر بە یەکێتی ئەورووپا هەروەها هوشداری دا کە ئەگەر ئەورووپا لە پێناو ئاسایی کردنەوە و سەقامگیریی ناوچەگەلی ژێر کۆنتڕۆڵی کوردەکان و تورکیا لە سووریادا هەوڵ نەدا، دۆخەکە رۆژ بە رۆژ تەشەنەدارتر دەبێ و شەڕی نێوان تورکیا و کوردەکان ئاراستەیەکی مەترسیدارتر بە خۆوە دەگرێت.

News Code 32811

نیشانەکان

بۆچوونی ئێوە

You are replying to: .
  • 8 + 9 =