بەرپرسی دارایی و چەکی پەکەکە لە ئامەد کوژرا

وەزارەتی ناوخۆی تورکیا ڕایگەیاند: سەعید باتمان بەرپرسی دارایی و هوماری چەک و تەقەمەنی پەکەکە لە ئامەد کوژراوە.

بە ڕاپۆرتی ئاژانسی هەواڵی مێهر، وەزارەتی ناوخۆی تورکیا لە بەیاننامەیەکدا بە ئاماژە بە ئۆپراسیۆنی هێزە ئەمنییەکانی تورکیا دژی بنکەکانی پەکەکە لە ناوچەی لیچەی پارێزگای ئامەد لەلایەن هێزەکانی جەندەرمەی ئامەد و ناوچەی فاراشین کە بە هەماهەنگی ناوەندی فەرماندەیی هێزەکانی جەندەرمەی وان و حەککاری ئەنجام دراوە وتی: سێ هێزی پەکەکە کوژراون کە یەکێک لە کوژراوەکانی ئەو ئۆپراسیۆنە ئەکرەم ئیپتاش بە نازناوی سەعید باتمانە بەرپرسی دارایی و هوماری چەک و تەقەمەنی پەکەکە لە ئامەدە.

لە بەیاننامەکەی وەزارەتی ناوخۆی تورکیا هاتووە: سەعید باتمان لە لایەن وەزارتی ناوخۆی تورکیاوە شوێنی دەگیرا و بۆ دەستگیری یان کوشتنی ١ ملیۆن لیر خەڵات دانرابوو. بە ئەنجامی ئۆپراسیۆنەکانی ڕۆژی ڕابردوو ژمارەی کوژراوەکانی پەکەکە لە دوو ڕۆژی ئۆپراسیۆنەکانی ئامەد، حەککاری و وان گەیشتە حەوت کەس.

شیاوی باسە تا ئێستا پەکەکە هەواڵی کوژرانی سەعید باتمانی نە ڕەت کردووەتەوە و نە پشت ڕاستی کردووەتەوە.

News Code 32809

نیشانەکان

بۆچوونی ئێوە

You are replying to: .
  • 2 + 1 =