ئەنجامدەرێکی جەنایەتی" ئێسپایکر" دەستگیر کرا

هێزە ئەمنییەکانی عێراق یەکێک لە تیرۆریستەکانی داعش کە لە جەنایەتی ئێسپایکر دەستی هەبوو، دەستگیر کرد.

بە ڕاپۆرتی ئاژانسی هەواڵی مێهر، تیپی سێی کۆماندۆکانی فەرماندەیی ئۆپراسیۆنی " ئەلجەزیرە" بە هاوکاری گرووپی هەواڵگری توانیان یەکێک لە ئەنجامدەرانی جەنایەتی ئێسپایکر دەستگیر بکەن.

سەرچاوەیەکی سەربازی عێراق وتی کە چەکدارانی داعش بە پێی مادەی ٤ ی یاسای بەرەنگار بوونەوەی تیرۆریزم لێپێچینەوە دەکرێن و بە پێی ئەوە ئەگەری هەیە ئەو کەسە بە تاوانی بەشداری لە جەنایەتی ئێسپایکر سزای ئیعدامی بەسەردا بسەپێت.

لە یازدە و دوازدەی جوونی ٢٠١٤ ی زایینی(٢١ و ٢٢ ی جۆزەردانی ٩٢) کاتێک کە تیرۆریستەکانی داعشی ناوچەیەکی بەربڵاو لە باکوور و ناوەندی عێراق لەوانە بنکەی ئێسپایکر لە نزیکی تکریت لە پارێزگای سەلاحەدینیان کۆنترۆڵ کرد، دەستیان دایە کوشتوبڕێکی بەربڵاوەوە و ١٧٠٠ سەربازی عێراقیان لە بنکەی ئێسپایکر کوشت.

لە ئۆپراسیۆنی ئازاد کردنی شاری تکریت لە پارێزگای سەلاحەدین(باکووری عێراق)، گۆڕی بەکۆمەڵی سەربازانی عێراقی بنکەی ئێسپایکر دۆزرایەوە.

News Code 32360

نیشانەکان

بۆچوونی ئێوە

You are replying to: .
  • captcha