دەستگیر کرانی زیندانیانی سەقز لە هەرێمی کوردستان ڕەتکرایەوە

جێگری سیاسی، ئەمنی و کۆمەڵایەتی پارێزگاری کوردستان دەنگۆی ڕادەست کرانەوەی زیندانییەکی سەقزی لە لایەن هێزەکانی ئاسایشی هەرێمی کوردستانی ڕەتکردەوە.

بە ڕاپۆرتی ئاژانسی هەواڵی مێهر، حسێن خۆش ئەقباڵ بە ئاماژە بە هەڵاتنی ٧٤ زیندانی لە گرتووخانەی سەقز، وتی: بە هاوکاریی خەڵکی پارێزگا توانیمان شوێنی هەڵاتن و خۆشاردنەوەی ٦٥ کەسیان پێبزانین و چەند کەسێکیشیان خۆیان تەسلیم کردەوە.

جێگری سیاسی پارێزگاری کوردستان سەبارەت بە یەک لە زیندانییە هەڵاتووەکان بە ناوی "مستەفا سەلیمی" ڕوونی کردەوە: ئەو کەسە بە تاوانی زیان گەیاندن و چەوساندنەوەی هاووڵاتیان و تێهەڵچوون لە گەڵ هێزەکانی ئینتزامی سەقز لە ساڵی ٨٢ کە ببووە هۆی شەهیدبوونی ٣ کەسیان، حوکمی ئیعدامی لە سەر بوو و لە رۆژانی ڕاپەڕاندنی حوکمەکەی بوو.

خۆش ئێقباڵ وێرای ڕەت‌کردنەوەی دەنگۆی ڕادەست کرانەوەی ئەو زیندانییە لە لایەن هێزەکانی ئاسایشی هەرێمی کوردستان، وتیشی: مستەفا سەلیمی بە هاوکاریی خەڵکی خۆشەویست و لێهاتوویی ئیتلاعاتی لە گوندی سەبەدلووی نێوان سەقز و بانە دەستگیر و گەڕاندراوە بۆ زیندانی سەقز و رۆژی هەینی ٢٣ی خاکەلێوە حوکمی ئیعدامی ئیجرا کرا.

News Code 31964

نیشانەکان

بۆچوونی ئێوە

You are replying to: .
  • 7 + 7 =