فراکسیۆنە شیعەکان لە عێراق ٣ بەربژیری نوێیان بۆ پۆستی سەرۆک وەزیری ناساند

نوینەری هاوپەیمانی فەتحی عێراق لە ڕێککەوتنی لایەنە شیعەکان لە ئەو وڵاتە بۆ بەربژێر کردنی سێ کەسایەتی نوێ بۆ پۆستی سەرۆک وەزیری هەواڵی دا.

بە ڕاپۆرتی ئاژانسی هەواڵی مێهر لە هەواڵی ئەلعراق، موختار مووسەوی نوێنەری هاوپەیمانی فەتحی عێراق جەختی کرد کە فراکسیۆنە شیعەکان لە سەر بەربژیر کردنی ٣ کەس بۆ پڕ کردنەوەی پۆستی سەرۆک وەزیری لە ئەو وڵاتە ڕێککەوتن.

ناوبراو زیادی کرد: ئەو سێ بەربژێرە بریتین لە سەرۆکی زانکۆی بەغدا، سەرۆکی زانکۆی کووفە و سەرۆکی زانکۆی کەربەلا.

مووسەوی وتیشی: بەربژێر کردنی ئەو کەسانە نیشاندەری ئەوەیە کە بە زووری قەیرانی هاوپەیوەند بە هەڵوەشاندنەوەی بەربژێری عەدنان زەرفی وەکوو سەرۆک وەزیران چارەسەر دەبێت.

ناوبراو زیادی کرد: پارتە شیعەکان بە سەرۆکایەتی هاوپەیمانی القوی العراقیە بە سەرۆکایەتی موحەمەد حەلبووسی، سەرۆکی پەرلەمانی عێراق و فراکسیۆنە کوردەکان سەبارەت بە زەروورەتی ناساندنی بەربژیری نوێ کە لە لایەن هەمووانەوە قبووڵ کراو بێت گفتوگۆ دەکەن و هەر بۆ ئەم مەبەستەش ئەندامانی لێژنەیەکی پایەبەرز بریتی لە پارتە شیعەکان بۆ لێکدانەوەی لابردنی زەرفی و ناساندنی بەربژێری نوێ لە ماوەی دوو ڕۆژی داهاتوو لە گەڵ بەرپرسانی پایەبەرزی عێراق دیدار دەکەن.

پێشتر عەدنان زەرفی بۆ پێکهێنانی کابینە لە ئەو وڵاتە ڕاسپێردرابوو.

News Code 31650

نیشانەکان

بۆچوونی ئێوە

You are replying to: .
  • 3 + 7 =