سەفەر بۆ پارێزگای کوردستان بۆ هەموان قەدەغە کرا

پارێزگاری کوردستان وتی: بە پێی بڵاو بوونەوەی ڤایرۆسی کۆرۆنا و هۆشدارییەکانی دەوڵەت لە ڕۆژانی ڕابردوو، پارێزگای کوردستانیش چووە ڕیزی ئەو پارێزگاگەلەوە کە سەفەر چوون بۆ ناویان قەدەغە کرا.

بە ڕاپۆرتی ئاژانسی هەواڵی مێهر، بەهمەن مورادنیا بە قەدەغە ڕاگەیاندنی سەفەر بۆ پارێزگای کوردستان، وتی: لە ئەمڕۆوە وەرگرتنی موسافیر و میوان تا ڕاگەیاندنی دۆخی ئاسایی لە تەواوی شار و گوندەکانی پارێزگای کوردستان قەدەغەیە.

ناوبراوی بە ئاماژە بە پێداویستی هاوکاری و بەشداری هەرچی باشتری خەڵک لەو بارەوە، زیادی کرد: بە مەبەستی دابین کردنی تەندروستی و ڕێگری لە بڵاو بوونەوەی نەخۆشی کۆرۆنا لە بواری وەرگرتنی میوانانی نەورۆزی هیچ بەرنامەیەکمان نییە و موسافیر وەرناگرین.

مورادنیا هەروەها وتیشی:بۆ پشووەکانی ئەم نەورۆزە ئیزنی هەڵدانی خێوەت یان مانەوە لە پارکەکان و ناوچە گەشتیارییەکان بە هیچ کەسێک نادرێت.

ناوبراو بە وتنی ئەوەی کە هاوکاری خەڵک و لەبەرچاو گرتنی تێبینییە تەندروستییەکانیش لە پرسە زەروورییەکانی ئەمڕۆ بۆ رێگری لە بڵاو بوونەوەی کۆرۆنایە، وتی:لە هەموو خەڵکی پارێزگا چاوەڕوانین کە بە مانەوەیان لە ماڵەکانیان بۆ شکستی ئەو ڤایرۆسە یارمەتیدەرمان بن.

News Code 31453

نیشانەکان

بۆچوونی ئێوە

You are replying to: .
  • 8 + 9 =