گەمارۆی ئەمریکا وەک کرۆنا، مەترسییەکەی زیاتر لە خۆیەتی

سەرۆک کۆماری ئێران گەمارۆی ئەمریکای بە ڤایرووسی کرۆناوه شوبهاند و وتی: ترس و تۆقانی لە خۆی زیاترە.

بە ڕاپۆرتی ئاژانسی هەواڵی مێهر، حەسەن ڕۆحانی ئەوڕۆ (یەکشەممە) لە دیداری ئەلەکساندێر شالێنبێرگ وەزیری دەرەوەی نەمسا لە تاران، بە ئاماژە بەوەی کە بەرجام تەنیا تایبەتی ئێران نییە و دەتوانی کاریگەریی لە سەر ئاشتی و ئاسایشی ناوچە و جیهان دابنێت، جەختی کرد: ئێمە هێشتاش لە سەر ئەو بڕوایەین کە دەتوانین بەرجام و ڕێککەوتنی ناڤۆکی بپارێزین و ئێمە بەردەوام پابەندی پشکی خۆی لەو ڕێککەوتنە بووە.

ڕۆحانی ئاماژەی بە گەمارۆی مادەی خۆراکی و دەرمانی لە لایەن ئەمریکا دژی گەلی ئێران لە پەنای گەمارۆگەلی ئابووری کرد و ڕایگەیاند: سەپاندنی ئەو گەمارۆیانە هەڵمەتێکی تیرۆریستییە و چاوەروانی ئەوەین یەکێتی ئەورووپا لەو بوارەدا ئەرکی مرۆڤانەی ڕاپەڕێنێت.

ناوبراو بە شوبهاندنی گەمارۆی ئەمریکا بە ڤایرووسی کرۆنا، وەک ئەوەی ترس و تۆقانی لە خۆی زیاتر بێت، وتیشی: چاوەروانی لە یەکێتی ئەورووپا ئەوەیە کە هەمبەر بە داپەڕە نایاساییەکانی ئەمریکا بوەستێت.

هەر لەو دیدارەدا وەزیری دەرەوەی نەمسا بە ئاماژە بە میوانداریی ڤیەن بۆ دانوستانەکانی بەرجام، بەرجام و ڕێککەوتنی ناڤۆکیی خاڵی وەرچەرخان لە متمانەکردن لە ناوچە و جیهان زانی و وتی: پاراستنی بەرجام سیاسەتی سەرەکی ئێمە و یەکێتی ئەورووپایە و هەموو هەوڵی خۆمان بۆ سەرخستنی ئەو سیاسەتە دەخەینە گەڕ.

شالێنبێرگ بە ئاماژە بە پێگەی گرینگی ئێران لە دەستبەرکردنی ئاسایشی ناوچە، وتیشی: بە باوەڕی ئێمە پلانی ئاشتی هورمۆز لە لایەن ئێران دەتوانێ نەخشەڕێی جێگرکردنی ئاشتی و ئاسایش لە ناوچە بێط و نەمسا لەو پلانە پێشوازی دەکات و حەز دەکا ڕۆڵی ئیجابی خۆی لەو پڕۆسەدا بگێڕێت.

News Code 31166

نیشانەکان

بۆچوونی ئێوە

You are replying to: .
  • 2 + 1 =